Culiananın daxilində qorxu, tənhalıq və sevgiyə meyil qəribə şəkildə ahəng təşkil edir. Qəza keçirən qadın özünü olduqca düşkün hiss edir. O, bu çirkin, kədərli dünyada çox narahatdır. Operatorun uzun planları sənaye təsvirlərinin arasında onun incə bədən quruluşunu göstərir. Culiana demək olar ki, kor-koranə hərəkət edir.

Onun bağlılıq hissi duyduğu yeganə varlıq balaca oğlu Valeriodur. Bir müddət Culianaya elə gəlir ki, onu təkcə ərinin iş yoldaşı Korrado Zeller başa düşə bilər. Lakin onların ötəri ünsiyyəti heç nə ilə nəticələnmir.

Culiana oğluna cənubda yerləşən ecazkar bir ada haqqında danışır. Orada gənc qız yaşayır, qayalar isə oxuyur. Axşam sahilə bir gəmi yan alır. Qız gəmidəki insanlardan onu buradan aparmalarını xahiş edir. Lakin onlar başqa dildə danışdıqları üçün qızı başa düşmürlər.

Yekun səhnədə Culiana oğluna zavod borularından çıxan zəhərli tüstü haqqında danışır. Bu zaman fikir verir ki, quşlar insanlardan fərqli olaraq, onlar üçün zərərli olan şeylərdən uzaqlaşıblar.

• Film Mikelancelo Antonioninin ilk rəngli tammetrajlı bədii filmidir.

Ssenari müəllifləri : Mikelancelo Antonioni, Tonino Querra

Rejissor : Mikelancelo Antonioni

Operator : Karlo Di Palma

Bəstəkarlar : Covanni Fusko, Vittorio Celmetti

Prodüser : Antonio Çervi

• — Internet Movie Database saytında

• Rotten Tomatoes saytında  (ing.)
• Fanu, Mark Le. . Criterion Collection. İstifadə tarixi: 16 avqust 2016.
• 2016-08-04 at the Wayback Machine