Qüdsi Dursun oğlu Osmanov (16 fevral 1966, Noyemberyan rayonu) — Azərbaycan diplomatı, Azərbaycan Respublikasının Rumıniyada fövqəladə və səlahiyyətli səfiri.
Qüdsi Osmanov | |
---|---|
Şəxsi məlumatlar | |
Doğum tarixi | 16 fevral 1966 (58 yaş) |
Doğum yeri | |
Fəaliyyəti | diplomat |
Hərbi xidmət | |
Mənsubiyyəti | Sovet Sosialist Respublikaları İttifaqı |
|
|
Təltifləri |
Həyatı
Qüdsi Osmanov 16 fevral 1966-cı ildə Ermənistan Respublikasının Noyemberyan rayonunda anadan olub.
Sankt-Peterburq Su Kommunikasiyaları Universitetini (İqtisadiyyat), Sankt-Peterburq Dövlət Universitetinin Hüquqşunaslıq və Beynəlxalq Münasibətlər fakültələrini bitirmişdir. Siyasi elmlər namizədidir. Rusiya Federasiyasının XİN nəzdində Diplomatik akademiyasının "Beynəlxalq iqtisadiyyat" fakültəsinin magistraturasını bitirmişdir.
1984–1987 — keçmiş SSRİ hərbi qüvvələr sırasında xidmət etmişdir.
Evlidir, dörd övladı var.
Karyerası
1997–2004 — Azərbaycan Respublikasının Sankt-Peterburq şəhərindəki Fəxri konsulu vəzifəsində çalışmışdır.
2005–2013 — Azərbaycan Respublikasının Sankt-Peterburq şəhərindəki Baş konsulu vəzifəsində çalışmışdır.
2013–2016 — Azərbaycan Respublikasının Rusiya Federasiyasındakı Səfir müavini vəzifəsində çalışmışdır.
2016-2023 - Azərbaycan Respublikasının Moldova Respublikasında fövqəladə və səlahiyyətli səfiri.
9 dekabr 2023-cü ildə Azərbaycan Respublikası Prezidentinin Sərəncamı ilə Azərbaycan Respublikasının Rumıniyada fövqəladə və səlahiyyətli səfiri təyin edilib.
Fövqəladə və Səlahiyyətli Səfir diplomatik ranqına malikdir.
Fəaliyyət sahəsi
- Azərbaycan ilə Rumıniya arasında iqtisadiyyat, ticarət, mədəniyyət, idman və elmi-texniki sahələrdə ikitərəfli münasibətlərin genişləndirilməsi.
- Azərbaycan Respublikasının milli maraqlarının, Azərbaycan Respublikasının Rumıniyada yaşayan vətəndaşlarının və hüquqi şəxslərinin hüquq və mənafelərinin qorunması.
Mükafatları
- "Sankt-Peterburqun 300-illiyi", "Rusiya donanmasının 300-illiyi" və Rusiyanın görkəmli dövlət xadimi və diplomat A. M. Qorçakov adına medallar ilə təltif edilmişdir.
- Azərbaycan Respublikası Prezidentinin 09 iyul 2019 il tarixli Sərəncamı ilə 3-cü dərəcəli "Vətənə xidmətə görə" ordeni ilə təltif edilmişdir.
- 09 iyul 2019 il tarixində Azərbaycan Respublikasının diplomatik orqanlarının 100 illiyi münasibətilə Azərbaycan Respublikasının Xarici İşlər nazirliyinin medalı ilə təltif edilmişdir.
- Moldova Respublikasının Xarici İşlər və Avropaya İnteqrasiyası Nazirliyinin "Diplomatik xidmətə görə" II dərəcəli medalı (30 oktyabr 2023-cü il)
- "Şərəf" ordeni (Moldova) (12 dekabr 2023)
- Moldova Respublikası Daxili İşlər Nazirliyinin “Əməkdaşlığa görə” medalı (27 dekabr 2023-cü il)
- Moldova Hökumətinin Fəxri Diplomu (28 dekabr 2023-cü il)
İstinadlar
- . 2021-09-22 tarixində . İstifadə tarixi: 2016-09-08.
- . president.az (az.). 2023-12-09 tarixində . İstifadə tarixi: 2023-12-09.
- (). 2023-12-28 tarixində . İstifadə tarixi: 2024-01-17.
Mənbə
- lu