Futbol klubu 1919-cu ildə İtaliyanın Emiliya-Romanya regionunda yerləşən Pyaçentsa şəhərində yaradılıb.

2010/11 mövsümündə klub B Seriyasında 19-cu yeri tutaraq C1 Seriyasına düşur. Ancaq klub maliyyə problemləri səbəbindən burada iştirak etməkdən imtina edir. Klub prezidenti bununla bağlı belə bir açıqlama verir: “Atam Pyaçentsanı 1983-cü ilin yayında aldı. O vaxtdan bəri onunla kluba 100 milyon avro sərmayə qoyduq. Ailəm 29 ildir klubu idarə edir. Son 20 ildə biz heç C seriyasına düşməyən 11 klubdan biri idik. İndi baş verənlər mentalitetimizə və komanda tarixinə uyğun gəlmir. Bu səbəbdən rəsmi şəxslərə, azarkeşlərə və klubda işləyən insanlara Pyaçentsanın gələn mövsüm C Seriyasında oynamayacağını bəyan edirəm ” . Buna baxmayaraq klub hələ də C1 Seriyasında iştirak edir və orada 17-ci yeri tutaraq (9 xal cəzası səbəbindən) daha da aşağı, C2 Seriyasına düşur. Ancaq burada klub müflis olduğunu bəyan edir.

İflasdan sonra "Pyaçentsa" öz varrlığını dayandırır. Az sonra "Libertaspes" həvəskar klubunun əsasında klub yenidən təşkil edilir və "Lupa Piacenza" adlandırılır. 2011-12 mövsümündə komanda Emiliya-Romanya regionun çempionatında oynamağa başlayır və ilk mövsümdə D Seriyasında oynamaq hüququ qazanır.

2013-cü ilin yayında klub "Piacenza Calcio 1919" adı ilə tam bərpa edilir.

Anglo-İtalian Kuboku: (1)

• Qalib : 1986

Seriya B : (1)

• Qalib : 1994-95
• 2-ci yer : 2000-01
• 3-cü yer : 1992-93

• Filippo İnzaqi
• Alberto Cilardinyo
• Alessandro Lucarelli
• Simone Pepe
• Flavio Roma
• Cuzeppe Sinyori
• Enzo Maresca
• Dario Hübner
• Eysebio Di Françesko
• Simone İnzaqi
• Sergey Qurenko
• Matuzalem
• Amauri
• Raca Nainqqolan