Səhnənin xarici divarları əhəngdaşından inşa edilmişdir və hündürlüyü 29,4 metrə çatır. İlk iki mərtəbəsində 72 tağdan ibarət sıralar yerləşir, yuxarı mərtəbədə isə 64 düzbucaqlı dəlik var. Amfiteatrın ellips oxlarının ölçüsü 132,45 və 105,1 metrə bərabərdir.

Tikinti tam istifadə edildikdə 23 min insan tutumuna malikdir. Tribunalar 67,95 m × 41,65 m ölçülərə malik, səhnənin altında yerləşdirilmişdi. Bu ərazi tamaşaçılardan dəmirbarmaqlıqla hasarlanmışdı. Qladiatorların döyüşləri və vəhşi heyvanların təqibi tamaşaçıların əsas əyləncəsi idi. Arenanın altında səhnəni və qəfəsləri birləşdirən bir neçə yeraltı tunel var idi. Bəzən tikintinin üstündə insanları yağışdan və günəşdən qorumaq üçün velarium (böyük yelkən) qurulurdu.