Əsas məqalə: Çernobıl faciəsi

26 aprel, 03:00. Çernobıl AES-ın 4-cü reaktorunda partlayış meydana gəlir. O gecə Çernobılın 10 km-lik təhlükəli ərazisində yerləşən 49 min sakini olan Pripyat şəhəri boşaldılmalı olur. Gecə yarısından etibarən yüzlərlə avtobus şəhərin mərkəzinə gətirilir. Ordu yardım üçün əhaliyə kömək edir. İnsanlar evlərini o qədər tez boşaltmağa məcbur edilir ki, özləri ilə bir neçə geyim əşyası və yalnız şəkil albomlarını götürməyə icazə verilir. Pripyatı tərk edən avtomobil karvanının uzunluğu 20 km-ə çatır. Boşaltma işləri 30 saata yekunlaşır.

1970-ci ildə qurulan Pripyat şəhəri 30 saat ərzində xarabalığa çevrilir və bu, 900 il belə davam edəcək. Çünki Çernobıl AES-in partlaması nəticəsində ətrafa sızan ən zərərli radioaktiv maddələrin tamamilə yox olması üçün 900 il gözləmək lazımdır.

Bütün radioaktiv maddələrin yox olması üçün isə, 48 min il vaxt lazımdır.

Pripyatlılar isə başqa bir yerdə həyatlarına davam edirlər. Onlardan bir çoxu radiasiyanın təsirindən xilas ola bilməyib.

Çernobılda 4-cü reaktorun partlaması nəticəsində havaya qarışan radioaktiv maddələrin miqdarı Hiroşima və Naqasakiyə bomba atılan zaman havaya qarışan maddələrin miqdarından 100 dəfə çox olub. Bu maddələr küləyin təsiri ilə hətta Afrika qitəsinə də çatıb.

Hesablamalara görə, Ukraynanın 18 min kvadrat-kilometr ərazisi radiaktiv çirklənməyə məruz qalıb.

• İnsanlar sonra həyat filmində.
• S.T.A.L.K.E.R. oyun seriyasında
• Call of Duty 4: Modern Warfare oyundaki iki misiyası Pripyatda keçirilir.