Makedoniyanın cənubunda yerləşən Prilep, ölkənin inzibati ərazi bölügüsündə Pelagonya bölgəsi sərhədlərinə daxildir.

Prilep, antiq Styberra şəhərinin qalıqları üzərində qurulub. Qurulmasından sonra şəhər Roma İmperiyası dövründə inkişaf etmişdir. 268-ci ildə Qotlar tərəfindən demək olar ki, məhv edilmiş, işğaldan sonra şəhərin yalnız kiçik bir hissəsi qalmışdır.

Şəhər, XIV əsrdə (1385-1395) ətrafındakı yaşayış məntəqələri ilə Osmanlı İmperiyası ərazisinə daxil edilmişdir. Bu dövrdən XX əsrin əvvəllərinə (1912-1913) qədər Osmanlı inzibati ərazisinə aid olmuşdur.

Keçmiş Osmanlı şəhərlərindəndir. Rumeli Türklərin sıx yaşadığı yerlərdən biri idi. Türkiyə Respublikasının qurulduğundan etibarən bölgədəki Türk əhalinin ciddi bir hissəsi Anadoluya xüsusilə Egey Dənizi bölgəsinə köç etmişdir.

Osmanlı İmperiyasından sonrakı dövrdə kiçikli-böyüklü bir çox müharibələrdən sonra Prilepenin də yer aldığı region, Serb, Xorvat və Sloven Krallığı tərkibinə daxil olmuşdur. Krallıq sonrasında Yuqoslaviya Krallığı olaraq 1943-cü ilə qədər mövcud olmuşdur.

1943-cü ildə süqutundan sonra, yerinə Yuqoslaviya Sosialist Federativ Respublikası yaradılmışdır. Bu dövrdə də Prilep, bu inzibati quruluşda yer almışdır.

1991-ci ildə Şimali Makedoniyanın Yuqoslaviya Sosialist Federativ Respublikasından ayrılaraq müstəqilliyini elan etməsilə Prilep, müstəqil Şimali Makedoniya Respublikası şəhəri olmuşdur.

2002-ci il siyahıya almasına görə Pirlepe Bələdiyyəsinin ümumi əhalisi 76.768 nəfərdir. Bu əhalinin etnik bölgüsü bu şəkildədir: Makedon 70.878, rumınlar 4.433, türklər 917 nəfər.

1. 2016-03-05 at the Wayback Machine

1. .