Portal:Bəhailik/Seçilmiş məqalə

Azərbaycanda Bəhailik — Azərbaycanda Bəhailik dinin yaranmasını və keçdiyi tarixi yolu özündə ehtiva edir. Azərbaycan ərazisidə bəahilik dinin yayılması dövrü elə dinin yarandığı dövrdən başlamışdır. Babilik hərəkatı ilə başlanan proses nəticəsində günümüzdə müstəqil bir inanc sistemi olan bəhailik dini yaranmışdır. Babilər hərəkatının əsas iştirakçılarından olan Tahirə Qürrətüleynin etnik azərbaycanlı olması və hərəkatda bir çox azərbaycanlının fəal iştirak etməsi nəticəsində azərbaycanlıların yaşadığı çoğrafi ərazidə ilkin forması ilə babilik və daha sonrakı forması ilə bəhailik dini inkişaf etməyə başlamışdır. Azərbaycan ərazisində ilk mütəşəkkil bəhai toplumu 1850-ci ildə Naxçıvanda yaradılmışdır. XX əsrdən etibarən Bakı mərkəz olmaqla bəhailər Gəncə, Sabirabad kimi şəhərlərdə öz toplumlarını formalaşdırmağa başladılar. Bəhailik dinin idarə edici orqanlarından biri olan Ruhani məclisin verdiyi məlumata əsasən hal-hazırda Azərbaycanda 2.000 civarında bəhai dinin ardıcılı yaşamaqdadır. Zəncanda 1850-ci il babi üsyanı zamanı üsyançılar arasında Zeynəb adlı gənc azərbaycanlı qız da olmuşdur. Tarix elmləri doktoru, professor Zülfəli İbrahimov bu qız haqqında yazmışdır: "Son dərəcə şücaətli olduğuna görə zəncanlılar bu qıza "Şahnamə"nin qəhrəmanı Rüstəmin adını vermişdi. Xalq ona Rüstəmə deyirdi". (Davamı...)

Arxiv