Pavzi və ya Pavsi (yun. Παυσίας; e. ə. IV əsr, Sikion, Peloponnes – e. ə. IV əsr) — Qədim Yunanıstan rəssamı. O, əslən Sikiondandır. Pavzi Apellesin müasiri, Pamfilin tələbəsi olmuşdur.

Pavzi
Doğum tarixi	e. ə. IV əsr
Doğum yeri	Sikion, Peloponnes, Yunanıstan
Vəfat tarixi	e. ə. IV əsr
Fəaliyyəti	rəssam
Vikianbarda əlaqəli mediafayllar

Pavzi əsasən uşaq və heyvan fiqurlarını, eləcə də çiçəkləri çəkmişdir. O, tarixdə tavanları arabesk, çiçəklər və fərdi fiqurlarla rəngləyən ilk şəxs olmuşdur. Rəvayətə görə, Pavzi mum üzərində rəsm çəkməyi mükəmməlləşdirmişdir. Mənbələrdə göstərilmişdir ki, o, istənilən əsəri cəmi 24 saat ərzində tamamlamaq bacarığı ilə fəxr edirdi.

Onun ən məşhur əsəri "Buğa qurbanı" adlanır və oğlu Aristolaos tərəfindən tamamlanmışdır. Romada yerləşən Pompey teatrında Pavzinin bu rəsminin təsviri var idi. Onun divar rəsmlərindən bəziləri coğrafiyaşünas Pavsani tərəfindən "Hellas təsvirləri"ndə xatırlanır.