Yetişkən parazitlər 4,88 – 6,34 mm uzunluğa və toxumluqların nahiyyəsində 1,29-1,52 mm enə malikdir. Yaxşı inkişaf etmiş yaxalıq 0,752-0,774 mm diametrə malikdir və üzərində 27 ədəd tikan yerləşmişdir. Ağız əmziyinin diametric 0,189 – 0,273 mm, prefarinksin uzunluğu isə 0,067 – 0,086 mm-dir. Farinks demək olar ki, dairəvidir, ölçüsü 0,199 - 0,198* 0,215 mm-dir. Qida borusu 0,287 – 0,360 mm-dir. Cinsi bursanın uzunluğu 0.347-0,573 mm, eni isə 0,13-0,21 mm olan sirrusun üzəri tikanla örtülüdür. Qarın əmziyi 0,752-1,075*0,774-0,86 mm ölçülüdür. Qabaq toxumluğun ölçüsü 0,451 – 0,740*0,645*0,860 mm, dal toxumluqku isə 0,537 – 0,860*0,645 – 0,752 mm-dir. Kürə şəklində olan yumurtalığın diametric 0,236 – 0,258 mm-dir. Melis cisminin ölçüsü 0,194 – 0,531 mm*0,250 – 0,341 mm –dir. Yumurtalıqlar oval şəklində olub, 0,099 – 0,108 mm uzunluğunda 0,054 – 0,067 mm enə malikdir..

Çoxsaylı- növdür, növdaxili müxtəlifliyi , orqanizm olub, quşların (Phalacrocorax carbo Ph. pygmaeus) yaşayır. Mürəkkəb həyat tərzi keçirir. Nəsillərin növbələşməsi və sahiblərin dəyişilməsi ilə müşayit edilir. Düşmənlıri yoxdur. Hermofradit orqanizmdir. Cinsi çoxalması yumurta qoyma (nəsil dəyişkənliyi) və qeyri-cinsi çoxalma (partenogeniz) formasında olur. Üçüncü dərəcəli konsumentdir. Reproduktivliyi və xromosom göstəriciləri öyrənilməmişdir. Mühafizəsinə ehtiyac yoxdur.

Dünyada 13, Qafqazda 5, Azərbaycanda 5 növlə təmsil olunmuşdur. Polşa, Rusiya, Ukrayna, Türkmənistan, Qazaxıstan, Özbəkistan,Qırğızıstan, Avstraliya, Rumıniya, Afrika, Çexiyada, Azərbaycanda isə Lənkəran (Qızılağac Dövlət Təbiət Qoruğu) və Dəvəçi limanı ərazilərində yayılmışdır.