Neqro "A" Seriyasında 1990-cı il oktyabrın 28-də, 18 yaşı olarkən debüt edib. O, "Boloniya"da çıxış edirdi. "Rossoblu" ilə yanaşı, Paolo "Breşiya"da da təcrübə yığıb. Oradan isə 1993-cü ildə Romanı fəth etməyə gedib. Müdafiəçini "Latsio" gözaltı etmişdi. Neqro uzun illər paytaxtlılara sadiq qaldı. Bu illər ona "skudetto"nu, eləcə də həm daxili, həm də xarici arenada bir neçə kubok qazandırdı. Paolonun aktivində həmçinin İtaliya yığmasında 8 oyun var. O, "Skuadra Azzura"da debüt matçını 1994-cü il noyabrın 16-ca Xorvatiya millisi ilə keçirib. 2005/06-cı illər mövsümündə Neqro "Latsio"dan daha az tanınan "Syena"ya üz tutdu.

20 oyunda meydana çıxan Paolo 3 qol vurdu. Özü də sonuncu hal həlledici turda baş verdi və "Syena" bu qol sayəsində "A" Seriyasında daha bir mövsüm çıxış etmək hüququ qazandı. Həm də Neqro "Latsio" ilə ev qarşılaşmasında fərqlənmişdi. O, matçın sonuna altı dəqiqə qalmış komandasının 2:1 hesablı qələbəsini təmin etmişdi.

İtaliya çempionu (2000), kubok (1998, 2000, 2004) və Superkubokun qalibi (1998, 2000), Kuboklar Kubokunun (1999) və Avropa Superkubokunun sahibi (1999).