Park Hae-jin 2006-cı ildə KBS kanalında yayımlanan Famous Chil Princesses serialı ilə aktyorluq həyatına başladı. Daha sonra iki uğurlu serialda rol aldı. KBS serialı Like Land and Sky və MBC kanalında yayımlanan East of Eden seriyalında başqa bir adamın sevgilisini əlindən alan qəddar adam Shin Myung-hoon rolu ilə məşhurlaşdı. Hər iki serial ölkə üzrə yüksək reytinq aldı və Park Hae-jin tanınmış bir insan halına gəldi.

Park Hae-jin eyni zamanda xaricdə də tanınmağa başladı. 2011 və 2012-ci ildə Çin seriallarında rol aldı və o illərdən bəri xaricdə layihələrə qatılmağa davam edir.

Daha sonra Park Hae-jin Seoyoung, My Daughter serialındakı Lee Sang-woo rolu ilə Koreya ekranlarına geri qayıtdı. Serial 47,1% reytinqlə 2013-cü ildə Koreyada ən yüksək reytinqli serial oldu. 2013-cü ildə SBS kanalında yayımlanan fantastik-romantik serial My Love from the Star’da rol aldı. 2014-cü ildə məşhur tibbi serial Doctor Stranger’da Harvard məzunu həkimi canlandırdı. Hər iki serial Çində böyük uğur qazandı və baxmayaraq ki, Park Hae-jin hər iki serialda da baş rol deyildi amma xaricdəki məşhurluğu artdı və Hallyu ulduz kimi tanınmağa başladı.

Park Hae-jin 2014-cü ildə OCN kanalında yayımlanan Bad Guys serialında baş rol oldu və performansı hər kəs tərəfinden bəyənildi. Daha sonra 2015-ci ildə Korea Drama Awards’da KDA Mükafatına layiq görüldü. 2016-cı ildə tvN serialı Cheese in the Trap’de Yoo Jung xarakterini canlandırdı və Park Hae-jin’in populyarlığı daha da artdı.

2 noyabr 2016-cı ilde, Park Hae-jin'in Lotte Duty Free'nin "Seven First Kisses" adlı internet serialında rol alacağı açıqlandı.

Park Hae-jin 2017-ci ildə JTBC kanalında yayımlanacaq Man to Man serialında Hallyu ulduzun cangüdəni, gizli agent rolunu oynayacaq. Və yenə 2017-ci ildə çəkiləcək Cheese in the Trap filmində təkrar Yoo Jung xarakterini canlandıracaq.

2020-ci ildə Park Hae-jin, Forest adlı romantik komediya serialında xüsusi təcili xilasetmə qrupunun işçisini canlandırdı. Ve yenidən 2020-ci ildə o, iş yerindəki intiqam mövzulu Kkondae Intern serialında rol aldı.

Park Hae-jin, 2022-ci ildə yayımlanan From Now On, Showtime adlı romantik komediya serialında ruhları görmək və onlarla ünsiyyət qurmaq qabiliyyətinə malik məşhur sehrbaz rolunu oynadı.

2022-ci ilin iyul ayında Park Hae-jin Artist Company ilə müqavilə imzaladı.

Park Hae-jin'in valideynləri o kiçik yaşdaykən boşandılar və 17 il sonra anasıyla ilk dəfə bir araya gəldi. Park Hae-jin ailəsinə dəstək olmaq məqsədi ilə liseydən sonra təhsilini dayandırdı. Dostu ilə iş ortağı olaraq Busanda geyim mağazası açdı. Bir gün iş üçün Seula getdiyi zaman gözlənilməz bir şəkildə istedadı kəşf edildi. Daha sonra peşəkar aktyorluq təhsili üçün Seul İncəsənət Kollecinə getdi və 2007-ci ildə məzun oldu.

• Choup Orta Məktəbi
• Busan Bilik Liseyi
• Silla Universiteti — (Ayrıldı)
• Seul İncəsənət Kolleci — Aktyor sənəti fakültəsi (Məzuniyyət)

Park Hae-jin'in, son bir neçə ildir müxtəlif xeyriyyə təşkilatlarına böyük miqdarda pul yardımı etdiyi və əyləncə sektorunda "Yardımçı Mələk" adını qazandığı açıqlandı.

Park Hae-jin, xeyriyyə işlərinə görə, 2014-cü ildə Çində 10 xeyriyyəçi aktyora verilən "Civic Public Welfare Award" mükafatını qazandı. Mərasimə dəvət edilən və mükafat alan ilk Koreyalı oldu. Bundan başqa, "Mu Qin Shui Jia" adlı xeyriyyə təşkilatının səfiri olaraq vəzifələndirildi.

Park Hae-jin'in agentliyi Mountain Movement, aktyorun 2011-ci ildən bu yana müxtəlif yerli və beynəlxalq xeyriyyə təşkilatlarına ümumi 1.7 milyard won (1.5 milyon $) yardım etdiyini təsdiqlədi. 23 aprel 2016'da Seulda təşkil edilən, aktyorun 10. ildönümünü qeyd etdiyi fan toplantısının gəlirlərini Şanxay Körpələr Evinə bağışladı və altı il ərzində Çin xeyriyyə fonduna ümumi 600 milyon won (təxminən 533,000 $) yardım etdi. Cənubi Koreyada isə, Sewol Gemisi Təbii Fəlakətlər Qrupu və Uşaq Reabilitasiya Xəstəxanası də daxil olmaq üzrə müxtəlif xeyriyyə təşkilatlarına və dərnəklərə 1.1 milyard won (978.000 $) yardım etdi.

Park Hae-jin 2014-cü ilin avqust ayında Busan'da meydana gələn sel fəlakətinin qurbanlarına kömək etmək üçün 100 milyon won (təxminən 94,000 $) yardım etmişdi. 2016-cı ilde sentyabrda Şimali Gyeongsang Əyalətinin Gyeongju şəhərindəki 5.8 bal gücündə baş verən zəlzələnin qurbanlarına yardım məqsədi ilə Koreya Qırmızı Xaç komitəsinə 50 milyon won (təxminən 42.500 $) verdi. Bundan başqa, yoxsul ailələrə kömür alınması üçün 50 milyon won (təxminən 42.500 $) yardım etdi və dördüncü dəfə şəxsən özü gedərək kömürləri təslim etdi.

2017-ci ildə Park Hae-jin incə tozları azaltmaq üçün Çində ağac əkmək kampaniyası başlatdı və pərəstişkarları ilə birlikdə 6520 ağac ianə etdi. 2018-ci ildə Park Hae-jin pərəstişkarları ilə birlikdə Çinin qərbində səhralaşma ilə mübarizəyə kömək etmək üçün təkrar 6000 ağac ianə etdi.