Paşa Kərimov 10 fevral 1959-cu ildə Bakı şəhərində anadan olmuşdur. Azərbaycan Dövlət Universitetinin (indiki Bakı Dövlət Universiteti) Filologiya fakültəsini bitirib. 1982-ci ildən Əlyazmalar İnstitutunda işləyir. 1991-ci ildə "Əlican Qövsi Təbrizinin "Divan"ının tekstoloji tədqiqi və elmi-tənqidi mətni" mövzusunda namizədlik, 2012-ci ildə isə "XVII əsr anadilli Azərbaycan lirikası" mövzusunda doktorluq dissertasiyası müdafiə etmişdir. 1999–2003-cü illərdə institutun elmi katibi işləmişdir. 2003–2011-ci illərdə elmi işlər üzrə direktor müavini vəzifəsində çalışmışdır. 2011-ci ilin 1 noyabrından AMEA Əlyazmalar İnstitutunun direktor vəzifəsini icra edib. 2014–2021-ci illərdə direktor müavini, 2015–2021-ci illərdə həm də "Multidistiplinar əlyazmalar və çap kitabları" şöbəsinin müdiri vəzifəsində çalışıb. 2021-ci il Noyabr ayından Əlyazmalar İnstitutunun icraçı direktorudur. AMEA Əlyazmalar İnstitutunun nəzdindəki 7213.01-"Dinşünaslıq" üzrə birdəfəlik ixtisaslaşdırılmış dissertasiya şurasının sədridir. Azərbaycan Tərcümə Mərkəzinin elmi şurasının, Nizami adına Milli Ədəbiyyat Muzeyinin elmi şurasının, Respublika Elmi Tədqiqatlari Əlaqələndirmə Şurasının Filologiya Problemləri Üzrə Elmi Şurasının, Milli Təhsil Muzeyi qiymətləndirmə şurasının üzvüdür. "Azərbaycan","Multikulturalizm", "Filologiya məsələləri", "Əlyazmalar Yanmır", Əlyazmalar İnstitutunun "Elmi əsərlər" jurnalının redaksiya heyətinin üzvüdür. 1998-ci ildən Azərbaycan Yazıçılar Birliyinin üzvüdür. Klassik ədəbi abidələrimizin filoloji və tekstoloji araşdırılması və nəşrə hazırlanması işi ilə məşğul olur. İlk dəfə olaraq XVI–XVII əsr Azərbaycan şairlərindən Qövsi Təbrizi, Mürtəzaqulu xan Şamlu, Vəhid Qəzvini, Sadiq bəy Əfşar, Yusif bəy Ustaclu və b. türkcə divanlarını, XIX əsr şairi Mirzə İsmayıl Qasirin şeirlərini və bir sıra başqa abidələrimizi çap etdirmişdir. Azərbaycan tarixində əhəmiyyətli rola malik bir çox əlyazmaların AMEA Əlyazmalar institutuna gətirilməsinə nail olub. 2016–2017-ci tədris illindən AMEA Əlyazmalar İnstitutunun magistrlarına "Yazılı abidələrin nəşri problemləri" mövzusunda mühazirələr deyir. Dahi Şairimiz Əli Kərimin oğludur. Fizika-riyaziyyat elmləri doktoru, Professor Azər Kərimovun qardaşıdır.

Ankara, Daşkənd, Kabil, Məzari-Şərif, Herat, Aşqabad, Təbriz, İslamabad və digər şəhərlərdə keçirilən beynəlxalq konfranslarda, 2011-ci ildə Heydər Əliyev Fondunun prezidenti, Azərbaycanın birinci xanımı Mehriban Əliyevanın təşəbbüsü ilə Vatikan və Romada təşkil olunmuş Azərbaycan Mədəniyyəti Günlərində iştirak etmişdir. 2009-cu ildə bir il müddətinə Prezident təqaüdçüsü olmuş, 2010-cu ildə AMEA Rəyasət Heyətinin Fəxri Fərmanı ilə təltif edilmişdir.

2012-ci ildə Türk Ədəbiyyatı Vəqfinin təsis etdiyi "Türk ədəbiyyatına xidmət baratı" mükafatına layiq görülmüşdür. Azərbaycan Respublikası Prezidenti Cənab İlham Əliyevin 3 noyabr 2015-ci il tarixli sərəncamı ilə Azərbaycan elminin inkişafında xidmətlərinə görə "Tərəqqi" medalı ilə təltif olunub. 2017-ci il mart ayının 1-də baş tutmuş İqtisadi Əməkdaşlıq Təşkilatı-nın 13-cü sammitində Paşa Kərimov bu təşkilatın "Elm və texnologiya" nominasiyası üzrə mükafatına layiq görülüb. Mükafatı alimə Pakistanın Baş naziri təqdim edib.

25 yanvar 2024-cü ildə Bakı şəhərində vəfat etmişdir.

1. Əlican Qövsi Təbrizi "Divanı"nın tekstoloji tədqiqi. Bakı, Nurlan, 2005
2. Qövsi Təbrizi "Divan" (elmi-tənqidi mətn) Bakı, Nurlan, 2006
3. XVII əsr Azərbaycan lirikası. Bakı, Nurlan, 2011
4. XVII əsr Azərbaycan poeziyası. Bakı, Nurlan, 2012
5. Sadiq bəy Sadiqinin türkdilli yaradıcılığı. Bakı. Elm və təhsil, 2013

1. Əli Kərim. Qayıt. Şeirlər və poemalar. Bakı, Yazıçı, 1983
2. Mirzə İsmayıl Qasir. Şeirlər. Bakı, Yazıçı, 1983
3. "Keçmişimizdən gələn səslər". (V buraxılış) Bakı, Elm, 1987
4. Əli Kərim. Seçilmiş əsərlər. (I–II cildlər) Bakı, Azərnəşr, 1991
5. Məhəmməd Əmin Rəsulzadə. Əsrimizin Səyavuşu. Bakı, Gənclik, 1991
6. Əli Kərim. Mavi nəğmənin sahilində. Bakı, Yazıçı, 1991
7. Hacı Zeynalabdin Tağıyev. Bakı, Şuşa, 1993
8. Neyləyim, şeirlə dərd söyləyirəm. Bakı, Yurd, 1999
9. Tibet İncili və ya insan oğullarından ən yaxşısı müqəddəs İssanın həyatı. Bakı, Mütərcim, 2002
10. "Azərbaycan əlyazma kitabı tarixi" fənnindən xüsusi kurs proqramı. Bakı, Nurlan, 2002
11. Əli Kərim. Seçilmiş əsərləri. Bakı, Lider, 2004
12. Tibet İncili. İstanbul, İtil, 2004
13. Qövsi Təbrizi. "Divan". Bakı, Nurlan, 2005
14. Qövsi Təbrizi. Seçilmiş əsərləri. Bakı, Lider, 2005
15. Mürtəzaqulu xan Şamlu. Bakı, Nurlan, 2006
16. Nəcəfqulu bəy Şeyda. Şeirlər. Bakı, Nurlan, 2006
17. XVII əsr Azərbaycan lirikası (Antologiya). Bakı, Nurlan, 2008
18. Vəhid Qəzvini. Divan. Bakı, Nurlan, 2009
19. Sadiq bəy Əfşar. Şeirlər. Bakı, Nurlan, 2010
20. Təsir Təbrizi. Türkcə şeirlər. Bakı, Nurlan, 2011
21. Sadiq bəy Əfşar. Türkcə məktublar. Bakı, Elm və təhsil, 2012
22. Yusif bəy Ustaclu. Divan. Bakı, Elm və təhsil, 2012
23. Əliabbas Müznib. Natəvan Xurşidbanu. Bakı, Elm və təhsil, 2012
24. Əli Kərim. Seçilmiş əsərləri. (I cild). Bakı, Şərq və Qərb, 2013
25. Əli Kərim. Seçilmiş əsərləri. (II cild). Bakı, Şərq və Qərb, 2014
26. Nəcəfqulu bəy Şeyda. "Gülşəni-maarif" təzkirəsi. Bakı, Şərq və Qərb, 2014
27. Məhtimqulu Fəraqi. Divan. Tərtib və ön söz Bakı:"Elm və təhsil",2015 744s. İ. Osmanlı ilə
28. Mirzə Baxış Nadimin "Seçilmiş əsərləri". "Alatoran", 2018. R. Kərimov ilə
29. İbrahim Tahir qarabaği. Ömər Xəyyam rubailərindən tərcümələr. Bakı: "Elm və təhsil" 2019. Sevər Cabbarli ilə
30. Cahana sığmaz Nəsimi (Qəzəllər). Bakı: Azərbaycan Dövlət Tərcümə Mərkəzi, 2019
31. Mirzə Baxış Nadim. Seçilmiş əsərləri (2-ci kitab). Bakı: Alatoran, 2020. R. Kərimov ilə

56. 2015-04-25 at the Wayback Machine
72. 2019-08-19 at the Wayback Machine
83. 2018-11-05 at the Wayback Machine

1. 2013-09-27 at the Wayback Machine
4. 2019-03-25 at the Wayback Machine
6. 2018-11-14 at the Wayback Machine

1. ABŞ-nin Merilend ştatının Baltimor şəhərindəki Volters İncəsənət Muzeyində saxlanılan 15-ci əsr osmanlı şairi Ətainin Nizami Gəncəvinin təsiri ilə türkcə yazdığı "Miniatürlü xəmsə" əsəri
2. Almaniyada yaşayan soydaşımız Məhəmmədəli Hüseyninin köməyi ilə Şah İsmayıl Xətainin xətt nümunələri
3. Almaniyada yaşayan soydaşımız Məhəmmədəli Hüseyninin köməyi ilə, adı indiyədək ədəbiyyat tariximizə düşməmiş Abdulla Bərqi Xoyinin şerləri
4. Ağqoyunlular və Səfəvilər dövründə yaşamış (XV–XVI əsrdə) Azərbaycan şairi Əhməd Şövqi Təbrizinin lirik şeirləri toplusu divanının Ankara Milli Kitabxanasında saxlanan nüsxəsi
5. XV- XVI əsrlərdə yaşamış Azərbaycan şairi Sürurinin şeirlər toplusu-divanının İstanbulun Süleymaniyyə və Manisa şəhər kitabxanalarında saxlanan əlyazmaları
6. XIX əsr Azərbaycan ədəbiyyatının görkəmli nümayəndəsi Seyid Əbülqasim Nəbatinin Təbriz Mərkəzi Kitabxanasında saxlanan anadilli "Divanı"
7. Təbriz Mərkəzi Kitabxanasından XIX əsrdə yaşamış Güney Azərbaycan şairi Sabit Əndəbilinin lirik şeirlər divanı
8. Перевод произведения Михаила Лермонтова на азербайджанский язык
9. XIX əsrin sonu-XX əsrin əvvəllərində yaşamış Azərbaycan şairi Molla Əli Talibinin divanı
10. Paris Milli Kitabxanasında saxlanan Azərbaycan tarixinə, mədəniyyətinə dair 200-dən artıq materialın surətləri, elektron variantları
11. Filologiya üzrə fəlsəfə doktoru Raqub Kərimov ilə birgə Mirzə Baxış Nadimin iki əlyazma şeir toplusu
12. Almaniyada yaşayan həmvətənimiz Məhəmmədəli Hüseyninin köməyi ilə Şah İsmayıl Xətainin nəvəsi İbrahim Cahinin şeirlər toplusu divanının surəti
13. Ankara Milli Kitabxanasından yaradıcılığında Nəsiminin güclü təsiri olan, XVI əsrdə yaşamış osmanlı şairi Heyrəti divanının surəti
14. Ankara Milli Kitabxanasından böyük Azərbaycan şairi İmadəddin Nəsiminin anadilli divanının iki nüsxəsinin surəti
15. Ankara Milli Kitabxanasından Şah İsmayıl Xətainin və onun oğlu I Şah Təhmasibin ana dilində yazdıqları şeirləri
16. Tehranın Məclis kitabxanasından Osmanlı şairlərinin şeirlərindən ibarət bir əlyazma məcmuəsinin surəti
17. Ankara Milli Kitabxanasından Məhəmməd Füzulinin oğlu Fəzlinin iki qəzəli, bir təkbeyti, iki misrası
18. Əbdürrəhim Şirvaninin Tehranın Məclis kitabxanasında saxlanan Əfşarlar dövrünə aid türk dilinin leksika və qrammatikasından bəhs edən "Kitabi-məzhər əttürki" əsərinin surəti
19. Tehranın Məclis kitabxanasından Səfəvilər dövründə yaşamış təbrizli Azərbaycan şairi Heydərinin farsca əsərlər külliyatının surəti
20. Tehranın Məclis kitabxanasından osmanlı şairi Tacəddin İbrahim Əhmədinin "İsgəndərnamə" poemasının surəti
21. Tehranın Məclis Kitabxanasından "Lüğəte-Nemətullah" əsərinin surəti
22. Rusiya Elmlər Akademiyası Dağıstan Elmi Mərkəzinin Etnoqrafiya və Arxeologiya İnstitutunun kitabxanasından Dağıstan və Şirvan tarixinə dair Azərbaycan dilində yazılmış "Kitabi-nəsəbnameyi-ümərayi-Qaytaq" əsərinin əlyazmasının surəti
23. İstanbulun Topqapı Sarayı Muzeyindən XVII–XVIII əsrlərdə yaşamış Nəşə Təbrizinin divanının surəti
24. Tehranın Mulis kitabxanasından böyük Azərbaycan şairi İmadəddin Nəsiminin anadilli divanının – lirik şeirlər toplusu nüsxəsinin surəti
25. Tehranın Məclis Kitabxanasından XVIII əsr Azərbaycan şairi Mir Fəttah Marağayinin anadilli şeirlərinin surəti
26. Tehranın Məclis Kitabxanasından XIV–XV əsrlərdə yaşamış görkəmli tarixçi alim Əhməd ibn Məhəmməd ibn Ərəbşahın (1392–1450) Əmir Teymurun hakimiyyətinə həsr olunmuş "Əcaib əl-məqdur" əsərinin Seyid Hüseyn adlı şəxs tərəfindən dilimizə tərcüməsinin surəti
27. Tehranın Məclis Kitabxanasından orta əsrlərin görkəmli alimi Carullah Əllamə Zəməxşərinin "Müqəddimətül-ədəb" əsərinin türk dilinə tərcüməsinin əlyazmasının surəti
28. Tehranın Məclis Kitabxanasından türk mənşəli alim Əbu Nəsr İsmayıl Həmmadın "Tacü l-lüğa və sihahil-ərəbiyyə" əsərinin türk dilinə tərcüməsinin əlyazmasının surəti
29. Məşhədin Astane-Qüdse-Rəzəvi kitabxanasından Orta Asiyanın böyük alimi Əbu Əli ibn Sinaya həsr edilmiş "Qisseyi-Əbu Əli Sina" adlı əsərin surəti
30. Böyük Azərbaycan şairi İmadəddin Nəsimi divanının-lirik şeirlər toplusunun Ankaranın Milli Kitabxanasında saxlanan iki əlyazma nüsxəsinin sürəti
31. Ankara Milli Kitabxanasından böyük Azərbaycan şairi İmadəddin Nəsiminin anadilli divanının naməlum əlyazma nüsxəsinin surəti
32. XIII əsrdə yaşamış Azərbaycan şairi Əlinin "Qisseyi-Yusif" poemasının Moskva Dövlət Universitetinin Beynəlxalq Əlaqələr fakültəsinin nadir kitablar fondunda saxlanan əlyazmasının surəti
33. "Aşıq Qurbani" dastanının 1880-ci ildə İstanbulda nəşr edilmiş 40 səhifədən ibarət nüsxəsi
34. Paris Milli Kitabxanasından XVII əsrdə yaşamış, adı ədəbiyyat tariximizə düşməmiş Azərbaycan şairi Zövqinin anadilli lirik şeirlər toplusu — divanının surəti
35. ABŞ-nin Kaliforniya Universitetinin kitabxanasından Nəsimi ardıcılı, hürufi şair Sürurinin anadilli divanının avtoqraf nüsxəsinin surəti
36. XIX əsrdə yaşamış Azərbaycan ədibi Əbdürrəzzaq Məftun Dünbülinin "Nigaristani-Dara" təzkirəsinin Tehran Universiteti Kitabxanasında saxlanan əlyazmasınn elektron surəti
37. İstanbulun Süleymaniyyə Kitabxanası və Tehran Milli Kitabxanasından XV–XVI əsrlərdə yaşamış Azərbaycan şairi Məhəmməd Bəsirinin lirik şeirlər toplusu — divanının avtoqraf nüsxələri
38. İstanbulun Süleymaniyyə kitabxanasının Fatih qismindən XV əsrdə yaşamış Azərbaycan şairi, Qaraqoyunlu dövlətinin hökmdarı Cahanşah Həqiqinin (1405–1467) "Şeirlər toplusu – "Divan"ının"əlyazma surəti
39. Tehranda yaşayan ədəbiyyat tədqiqatçısı Firuz Rifahi Ələmdarinin yardımı ilə XVI əsr Azərbaycan şairi Yusif bəy Ustaclunun Tehran Universitetinin Mərkəzi Kitabxanasında saxlanan anadilli "Divan"ının surəti
40. Şəmsəddin Şəmsi və ya Dərviş Şəmsi adı ilə tanınmış, XV–XVI əsr Azərbaycan şairinin "Dəh Mürğ" (On quş) poemasının 5 müxtəlif əlyazma nüsxəsi
41. Paris Milli kitabxanasından "Əsli və Kərəm" ("Hekayəti Kərəm" adı ilə) və "Aşıq Qərib" ("Aşıq Qərib və Şahsənəm xanım" adı ilə) dastanlarımızın XIX əsrdə ərəb qrafikası ilə yazıya alınmış variantlarının surətləri

və s. 50-dən çox kitabın redaktoru, 150-ə yaxın məqalə, 400-ə yaxın elmi-kütləvi məqalənin müəllifidir, 10-dan çox məqaləsi xarici ölkələrdə çap edilmişdir.

• 1999 —   Yazıçılar üçün nəzərdə tutulmuş Azərbaycan Respublikası Prezidentinin 6 aylıq fərdi təqaüdü
• 2001 —   Azərbaycan Yazıçılar Birliyinin "Tofiq Bayram" adına mükafatı
• 2010 —   Azərbaycan Milli Elmlər Akademiyasının "Fəxri Fərmanı"
• 2012 —   Türk Ədəbiyyatı Vəqfinin "Türk ədəbiyyatına xidmət baratı" mükafatı
• —   Azərbaycan Respublikasının
• —   İqtisadi Əməkdaşlıq Təşkilatının Elm və Texnologiya nominasiyası üzrə mükafatı
• —   Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun "Fəxri Fərmanı"
• —   Serbiya Kral Akademiyasının təsis etdiyi "İvo Andriç" medalı
• —   Azərbaycan Milli Elmlər Akademiyasının Humanitar və İctimai Elmlər Bölməsinin Fəxri Fərmanı
• 2022 —   Azərbaycan Milli Elmlər Akademiyasının "Fəxri Fərmanı" (ikinci dəfə)
• 2023 —   Əlişir Nəvai adına Daşkənd Dövlət Özbək Dili və Ədəbiyyatı Universitetinin təsis etdiyi "Əlişir Nəvai Medalı"

•  -2010 Həcc səfərləri tarixi mövzusunda Beynəlxalq elmi konfransı
•  -2011 Roma və Vatikanda Azərbaycan mədəniyyəti günləri
•  

1. 2012-Ali Emiri Efendi'ye Saygı Günleri
2. 2017-Məhəmmədhüseyn Şəhriyar yaradıcılığına həsr olunmuş beynəlxalq konfrans
3. 2019-Ortaq tarix, mədəniyyət, təhsil və sivilizasiyalar simpoziumu
4. 2019-Uluslararası Türk Dünyası Kültür Elçileri: Kadı Burhaneddin Sempozyumu

1. 2014-Məxtimqulu Fəraqinin 290 illik yubileyi münasibətilə beynəlxalq konfrans
2. 2014-Türkmənistan mədəniyyəti günləri

•  -2016 Əlişir Nəvainin 575 illik yubileyi ilə əlaqədar beynəlxalq simpozium
•  -2017 Saib Təbrizinin yaradıcılığına həsr olunmuş beynəlxalq konfrans
•  -2017 İqtisadi Əməkdaşlıq Təşkilatının 13-cü sammiti
•  -2019 Qabdulla Tukayın anadan olmasının 133 illik yubileyi münasibətilə Ana dili günü
•  -2019 Nəsiminin anadan olmasının 650 illiyinə həsr edilmiş elmi simpozium