Pərixanım Mikayılqızı Muradova 14 sentyabr 1953-cü ildə Bakı şəhərində anadan olub. M. A. Əliyev adına İncəsənət İnstitutunun (hal-hazırda Azərbaycan Dövlət Mədəniyyət və İncəsənət Universiteti) mədəni-maarif fakültəsini bitirib.

Əmək fəaliyyətinə Binəqədi Rayon Sosial Təminat Şöbəsində başlayıb. Şöbə müdiri və direktor vəzifələrində çalışıb. 1999-cu ildən Milli Arxiv İdarəsinin Siyasi Partiyalar və İctimai Hərəkatlar Dövlət Arxivində baş biblioqraf, şöbə müdiri vəzifələrində çalışıb. Daha sonra Azərbaycan Respublikası Prezidentinin İşlər İdarəsinin Siyasi Sənədlər Arxivində aparıcı məsləhətçi, şöbə müdiri və elmi kitabxananın direktoru vəzifəsində işləyib. Azərbaycanda keçirilən ilk bələdiyyə seçkilərində namizədliyini irəli sürüb.

2006–2017-ci illərdə arxivin YAP ilk partiya təşkilatının sədri olub. Hal-hazırda YAP Binəqədi Rayon Təşkilatı Qadınlar Şurasının İdarə Heyətinin üzvüdür. Bakı Tədris Mərkəzinin "Şərqin səsi" və "Elm və Təhsil" qəzetlərinin baş redaktorudur. Dövlət qulluğunun baş müşaviridir.

P. Mikayılqızı 7 kitab və dövri mətbuatda dərc olunan 100-dən çox elmi və publisistik məqalə, hekayənin müəllifidir. O, Firidun bəy Köçərlinin "Əsərləri"ni və "Balalara hədiyyə" adlı kitablarını kiril qrafikalı əlifbadan latın qrafikalı əlifbaya çevirərək nəşr etdirmişdir. Ədibin həyat və yaradıcılığına həsr etdiyi ""F.b. Köçərli: "Ümmətdən – millətə doğru"" elmi monoqrafiyanın müəllifidir.

Pərixanım Mikayılqızının yazıları "Vətən", "Buta", "Turan", "Dəmir Yumruq", "Zirvə", "Ziya", "Canım Azərbaycanım", "Qarabağ Azərbaycandır", "Mən Şirvanın səsiyəm", "Bakı-Təbriz", "Zəfər", "Poeziyamızın N. Gəncəvi zirvəsi", "Poeziya çələngi" və s. ədəbi məcmuələrdə, almanax və dərgilərdə nəşr olunur. Onun Birinci Qarabağ müharibəsi, Vətən müharibəsi şəhid və qazilərinə həsr etdiyi məqalələr, şeirlər müxtəlif mətbu orqanlarda dərc edilir.

20-dən artıq şeirlərinə bəstəkar Elçin Atayev, Ruslan Zeynalov, Fuad Musayev mahnılar bəstələyib, müğənnilərdən Lalə Məmmədova, Cahangir Qurbanov, Fuad Musayev, Oksana Aslanova, Sona Zeynallı və b. mahnılarını səsləndiriblər.

Ailəlidir. 3 övladı, 8 nəvəsi var.

• "Keçmişə qayıtmaq istəyirəm mən". Bakı, 2013. 307s.
• "Qəlbimin səsi". Bakı, 2017. 309s.
• "F.b. Köçərlinin "Əsərləri" – transliterasiya". Bakı, 2013. 494s.
• "F.b. Köçərlinin "Balalara hədiyyə" transliterasiya". Bakı, 2017.103 s.
• "F. B. Köçərli: "Ümmətdən – millətə doğru"". Bakı, 2016. 488 s.
• "Şəhid mundiri". Bakı, 2021. 132s.
• "Klassik irsimizin zərif nümayəndələri" (ikicildlik). I hissə. Bakı, 2023. 215s.

• "Abdulla Şaiq" fəxri mükafatı (2010)
• Türkiyə Cümhuriyyətinin "Onur Belgesinin Teşekkürü" (2018)
• "XXI əsrin ziyalısı" fəxri mükafatı (2019)
• Çukurova Edebiyatçılar Derneği Onur Belgesinin Teşekkürü (2019)
• "Qızıl Qələm" media mükafatı (2020)
• Qafqaz Media İB-nın "Xarıbülbül" medalı (2021)
• Professor Mədəd Çobanov adına Xeyriyyə Fondunun fəxri diplomu
• "X. b. Natəvan" və "Zirvə" medalları
• "Sülh təbliğatçısı"
• YAP Binəqədi Rayon Təşkilatının bir neçə fəxri fərman və diplomları

1. "Pərixanımın mənalı ömür yolu" sənədli film (2016)
2. Mais Bağırov. "Sükanı belə saxla" /"İqtisadiyyat" qəzeti. 2008, № 39, s.6
3. Mirabbas Məmmədov. "P. Mikayılqızının F.b. Köçərlinin "Əsərləri"nin transliterasiya etməsi" /"Ayna. Зеркало" qəzeti. 2013, № 126, s.4
4. Qərənfil Dünyaminqızı. "Jurnalist P. Mikayılqızının F.b. Köçərlinin "Əsərləri"nin transliterasiya etməsi haqqında" /"Kaspi" qəzeti. 2013, № 115, s.22
5. . "Həm ziyalı, həm xeyirxah xanım" / "Elm və Təhsil" qəzeti. 2019, № 59, s.8
6. Lalə Hacıyeva. "Elmə meyilli, şair qəlbli publisist" /"Saldo" və "Elm və Təhsil" qəzetlərində. 2019, № 3, № 15. s.14
7. Həsən Bayramov. "Firidunşünaslığa yeni baxış" /"Elm və Təhsil" qəzeti. 2019, № 6, s.11
8. Daşdəmir Əjdəroğlu. "Ədəbiyyatşünaslıqda F.b. Köçərli imzası" /"Ədalət və həqiqət" qəzeti. 2019, № 22–24, s.9
9. Rauf İlyasoğlu. ""Şəhid mundiri" haqqında" /"Həkəri" qəzeti, 2021
10. ""Klassik irsimizin zərif nümayəndələri" kitabı haqqında" /"Yeni Təfəkkür" qəzeti. 2023, № 13(640), s.4
11. Daşdəmir Əjdəroğlu. "Onunla ünsiyyət qurmaq çox maraqlıdır" /"Yeni Təfəkkür" qəzeti. 2023, 29 sentyabr, s.3