Pəncərə toru (həmçinin həşərat toru, böcək toru, milçək toru, pəncərə setkası, pəncərə şəbəkəsi kimi də tanınır) – pəncərə açılarkən həşəratlardan və cismlərdən qorumaq üçün nəzərdə tutulan təchizat. Adətən metal, fiberglas, plastik məftil və ya digər plastik hissələrdən hazırlanmış tor şəbəkəsindən ibarət olur. Taxta və ya metal çərçivəyə bərkidilir. Azərbaycanda, Avstraliyada, ABŞ-da, Kanadada və dünyanın digər bölgələrindəki evlərin çoxunda pəncərələrdə milçək, ağcaqanad və arı kimi uçan həşəratların girişini önləmək üçün torlar var.
Tarixi
"Pəncərə torları üçün toxunmuş məftil" 1822-ci ildə "American Farmer" jurnalında qeyd olunmuşdur. Məftil pəncərə torlarına dair reklamlar 1836-cı ildə "Boydun göy kitabı" kitabında da yer almışdır. 1839-cu ildə isə iki məftil pəncərə toru Boston şəhərində Kvinsi Hollda nümayiş etdirilmişdir. 1861-ci ildə "Gilbert, Bennett & Company" qida emalı üçün məftil tor ələk istehsal edirdi. Bir işçi məftil parçasının boz rəngə boyanıb pəncərə toru kimi satıla biləcəyini anladı və bu məhsul dərhal uğur qazandı. 7 iyul 1868-ci ildə Bayley və McCluskey dam üstü vaqon pəncərələri üçün ABŞ Patenti (nömrə 79541) aldılar, bu, havalandırma təmin etməklə yanaşı, "qığılcım, kül, toz və s."nin sərnişin bölməsinə daxil olmasının qarşısını alırdı.
Ölçüsü
Metal tor çərçivələri (dönmə forması) adətən 6.4 mm (1⁄4 in), 7.9 mm (5⁄16 in), 9.5 mm (3⁄8 in) və ya 11 mm (7⁄16 in) qalınlığında olur, həmçinin 19 mm (3⁄4 in) və 25 mm (1 in) genişliyindədir. Ən çox rast gəlinən ölçülər 7.9 mm (5⁄16 in) və 11 mm (7⁄16 in) ilə 19 mm (3⁄4 in) arasındadır. 6.4 mm (1⁄4 in) və 7.9 mm (5⁄16 in) ölçüləri adətən tək pəncərəli pəncərələr üçün istifadə olunur, iki daha iri ölçü isə ikiqat pəncərəli pəncərələr üçün istifadə edilir. 9.5 mm (3⁄8 in) adi ölçü olmadığından, 7.9 mm (5⁄16 in) qalınlığı onun yerinə istifadə edilə bilər və lazım olduqda düzəldilə bilər. Çərçivələr unboya, ağ, bronz, bej, qara, çöl qumu və s. daxil olmaqla müxtəlif rənglərdə gəlir. Torun əlavə gücü üçün çarpaz çubuq da daxil ola bilər.
İstinadlar
- Pəncərə torunun ölçüləri. . www.wovenwire.com. 2024-06-20 tarixində . İstifadə tarixi: 2024-11-02.
- . pmc.ncbi.nlm.nih.gov.
- (English). Open Court Publishing Co. 29 mart 1822.