Olqa Mikitenko
Olqa Leontyevna Mikitenko (ukr. О́льга Лео́нтіївна Миките́нко; 24 iyun 1974, Jitomir) — Ukrayna əsilli məşhur alman opera müğənnisi (soprano), Ukrayna Milli Operasının solisti (1995–2006), Ukraynanın əməkdar artisti (1999).[1]
| Olqa Mikitenko | |
|---|---|
| ukr. О́льга Лео́нтіївна Миките́нко | |
 | |
| Ümumi məlumatlar | |
| Doğum tarixi | 24 iyun 1974 (50 yaş) |
| Doğum yeri | |
| Vətəndaşlığı |
 Ukrayna |
| Milliyyəti | alman |
| Musiqiçi məlumatları | |
| Fəaliyyəti | opera müğənnisi |
| Səs tembri | soprano |
| Təhsili | |
| Mükafatları |
 |
| olgamykytenko.com | |
 Vikianbarda əlaqəli mediafayllar | |
Olqa Mikitenko 1974-cü ildə Jitomirdə anadan olub.[1] 1989–1992-ci illərdə Jitomir Musiqi məktəbinin xor dirijorluğu fakültəsində təhsil alıb. 1990–1992-ci illərdə isə Jitomir Dram və Komediya Teatrının aktrisası və müğənnisi kimi fəaliyyət göstərib.
O, 1992–1997-ci illərdə P. Çaykovski adına Kiyev Milli Musiqi Akademiyasında (professor Q. Suxorukovanın sinfi) təhsil almışdır.
Olqa Mikitenko fəaliyyətini incəsənətin müxtəlif istiqamətləri: opera, kamera və simfonik musiqi, caz, kino üzrə davam etdirir. Dram və lirik repertuarını daima inkişaf etdirir.
2001-ci ildən o, Avropa və Amerika da daxil olmaqla dünyanın ən nüfuzlu səhnələrində (xüsusən, Bavariya operası, Doyçe operası, Metropolitan -opera, Barselonada Teatr Liseo, Drezden operası və digər səhnələrdə) çıxlş edib.
2017-ci ildə Olqa Mikitenkonun bioqrafik səciyyəli Solo OM fəlsəfi romanı işıq üzü görüb. Kitab ingilis və alman dillərində də çap edilib və pulsuz onlayn satışdadır.
2020-ci ildə müğənninin Verdi Arias Kirill Karabetsin rəhbərliyi altında Bornmut Simfonik Orkestri ilə birlikdə ərsəyə gətirdiyi yeni diski — "I Vespri Verdiani" işıq üzü görüb.[2]
Olqa Mikitenko, Çaykovskinin Yevgeni Oneginində (2007-ci ildə Lionda bu operada debüt edib), Bellininin Normasında, Qaetano Donizettinin Lucia di Lammermurunda, Qustav Malerin Dördüncü simfoniyasında və s. operalarda baş opera rollarının ifaçısıdır.
- Mosartın "Fiqaronun toyu" operasında Qrafiniya rolunda
- Mosartın "Hamı belə edir" operasında Fordilidji rolunda
- Mosartın "Don Covanni" operasında Donna Anna rolunda
- Cüzeppe Verdinin "Traviata" operasında Violetta rolunda
- Cüzeppe Verdinin "Quldurlar" operasında Amaliya rolunda
- Cüzeppe Verdinin "Luiza Miller" operasında Luiza rolunda
- Cakomo Puççininin "Bohema" operasında Mimi rolunda
- Cakomo Puççininin "Qərbdən qız" operasında Minni rolunda
- Cakomo Puççininin "Turandot" operasında Liu rolunda
- Şarl Fransua Qunonun "Faust" operasında Margarita rolunda
- Erix Volfanq Kornqoldun "Ölü şəhər" operasında Marietta rolunda
- 1997 — F. Vinas adına Beynəlxalq müsabiqədə 2-ci yer mükafatı (1-ci yerin mükafat verilmədi) (Barselona),[3]
- "Voce Extraordinaire" fəxri mükafatının laureatı (fövqəladə səs),
- 1997 — Mariya Kallas adına Beynəlxalq müsabiqənin qalibi (Afina) — Qızıl medal və Qran Pri mükafatçısı.
- 2003 — Osloda keçirilən beynəlxalq Şahzadə Sonya müsabiqəsinin qalibi — 1-ci yer mükafatı[4]
- ↑ 1 2 Smindak, Helen. "Now at Lincoln Center: a growing roster of Ukrainians" (PDF). The Ukrainian Weekly. November 4, 2007. December 2, 2013 tarixində orijinalından (PDF) arxivləşdirilib. İstifadə tarixi: November 27, 2013.
- ↑ Mykytenko, Olga. "Biography". Olga Mykytenko. November 11, 2013 tarixində orijinalından arxivləşdirilib. İstifadə tarixi: December 5, 2013.
- ↑ "Contest's prizewinners from 1991 to 2000". Gran Teatre del Liceu. December 11, 2013 tarixində orijinalından arxivləşdirilib. İstifadə tarixi: December 5, 2013.
- ↑ "Previous Prize Winners". The Queen Sonja International Music Competition. December 11, 2013 tarixində orijinalından arxivləşdirilib. İstifadə tarixi: December 5, 2013.