1984-cü ildə yaranmışdır.

2009-cu ilin dekabrında "Olimpiya" klubu unikal müsabiqə təşkil etmək qərarına gəlib. Müsabiqənin qalibi olan istənilən şəxs bu komandanın heyətində avrokubok matçına çıxa bilər.

Klubunun rəsmi internet saytında yerləşdirilən elana əsasən, həmin xoşbəxt yaşından, peşəsindən, futbol bacarığından asılı olmayaraq, start heyətində meydana çıxacaq. Bu mükafat "Olimpiya"nın Çempionlar Liqası, yoxsa Avropa Liqasında oynamasından asılı olmayaraq qalibin qisməti olacaq.

Müsabiqənin mükafatı kimi, şərtləri də unikaldır. Burada iştirak edən istənilən şəxs 300 avro ödəməklə yarışa qatılır. Sonra isə meydana çıxmaq üçün ödəməyə hazır olduğu məbləği yazır. Ən çox para ödəyən isə bir oyunluq "Olimpiya"nın futbolçusuna çevrilir. Daha çox hərrac xarakteri daşıyan müsabiqədə ilkin qiymət 10 min avrodan başlayır. Yəni, 300 avro ödəyən 10 min avro təklif edə bilər. Şərtlərə əsasən, 1 milyon avro təklif edən olsa, müsabiqə həmən dayandırılır və o qalib adını qazanır.