Ərazisi Böyük Arktik qoruğu ərazisinə daxildir. Oleni adasından şimalda Ploski və Mısovıy adaları, şərq və şimal-şərqdə Şkolnikov boğazı arxasında Sirkul adası və materik yarımadası olan Minin yarımadası, cənub-şərqdə Xmıznikov boğazı arxasında Skalistiy adası, cənubda isə yerləşir. Yaxınlığında yerləşən nisbətən iri ada Sirkul adasıdır. Ada ilə Rusiyanın materik hissəsi ilə arasında məsafə 4 km-dir.

Ada parçalanmış formaya malikdir. Ətrafında çoxlu sayda körfəz və buxta vardır. Ümumilikdə isə qərbdən şərqə doğru uzanır. Onun uzunluğu şərqdə Povorotnı burnundan, qərbdə Urvansev burnuna qədər məsafədə 18 km, eni isə 9,5 km məsafədə uzanır.

Adanın böyük hissəsini üç hamar təpə yerləşir. Onlardan biri qərbdə Olenaya (49 m) və mərkəzi hissədə hündürlüyü 64 metr, cənub-şərqdə isə hündürlüyü 26 metr olan iki adsız yüksəklik. Sahillərində iki nisbətən iri körfəz vardır:Olenya və Urvansev. Adada olan yüksəkliklərdən qarın əriməsi zamanı kiçik arxlar axır. Adanın cənubşərqində yarımada yerləşir. Bu yarımada ilə adanın arasında isə dərinliyi 16 metr olan buxta vardır. Yarımada adaya ensiz bərzəxlə birləşir. Şimal hissəsində çoxlu sayda kişik adalar vaerdır.

Adanın sahilləri əsasən düzəndir. Ancaq cənub-qərb sahillərində hündürlüyü 3 metr olan sıldırımlı sahillər vardır. Adanın ərazisi əsasən nadir tundra bitkiləri ilə örtülüdür. Burada mamır və şibyələrlə örtülüdür. Hər üç yüksəklikdə geodeziya məntəqəsi fəaliyyət göstərir. Ətrafı ilin böyük qısmi buzla örtülü olur. Qısa yay dönəmində buzdan azad olsa da kiçik buz parçaları yayda da onun ətrafında üzür.

Oleni adasını digər adalardan ayıran və materikdən ayıran boğazlar — Şkolnikov və Xmıznikov. Boğazlar sovet hidroqrafları İsak Bensiannoviç Şkolnikov və Pavel Konstantinoviç Xmıznikovun şərəfinə adlandırılmışdır.