Əvvəllər OSS və BSS daha aydın şəkildə ayrı-ayrı qurumlar idi, lakin OSS/BSS (və ya bəzən BSS/OSS) termini ən azı 2000-ci ildən istifadə olunur. Məsələn, sifarişi tutan ilə onu yerinə yetirən arasındakı interfeys olduqca sadə ola bilər. İndiki dövrdə daha mürəkkəb, fərqləndirilmiş məhsul və xidmətlərin təklif edilməsi ilə ikisi arasında daha sıx əlaqə tələb olunur. Məsələn, sifarişin işlənməsi müştərinin artıq sahib olduğu xidmətlər, istifadə etdiyi şəbəkə və hazırda mövcud resurslar haqqında məlumat tələb edə bilər.

Azərbaycanda "Aztelekom" MMC müştəri təcrübələrinin yüksəldilməsi, həllərin çevikliyinin təmin edilməsi və bazara daha aktual xidmətlərin təqdim edilməsi məqsədilə 2022-ci ilin dekabr ayında "Suntech SA" Global OSS/BSS provayder şirkəti ilə müqavilə imzalamışdır. Müqavilə şərtlərinə əsasən, "Suntech SA" şirkəti "Aztelekom" MMC üçün BSS/OSS proqram təminatı yaratmalıdır. Şirkət tərəfindən yaradılacaq BSS mövcud bilinq sistemini əvəz etməklə yanaşı, xidmət məntəqələri və çağrı mərkəzləri vasitəsilə daha operativ xidmətlərin təmin edilməsinə şərait yaratmalıdır. OSS sistemi vasitəsilə əhatə dairəsinin genişləndirilməsi, planlaşdırma, layihələndirmə, avadanlıq və digər inventar sistemin idarə edilməsinin daha çevik forma almağı, sahələrdə aparılacaq təmir və bərpa işlərinin məhsuldarlığının artmağı nəzərdə tutulmuşdur.

Bu sahədə xidmət təminatçılarının inteqrasiya olunmuş OSS/BSS sistemi üçün daha çox tələbləri var. Nümunələrə e-ticarət, özünüidarəetmə, real vaxt hesabatı və saxtakarlığın qarşısının alınması daxildir.