Nurəddin Novruzov 2021-ci ildə Rusiyanın Ufa şəhərində gənclər arasında Dünya Çempionatını beşinci pillədə başa vurdu. 2022-ci il ərzində Roma şəhərində (İtaliya) U-20 Avropa Çempionatında 10-cu, Sofiya şəhərində (Bolqarıstan) U-20 Dünya Çempionatında isə 15-ci pillələrin sahibi olan Nurəddin Novruzov 2023-cü ildə Rumıniyanın Buxarest şəhərində U-23 Avropa Çempionatını beşinci pillədə başa vurdu.

2024-cü ildə Nurəddin Novruzov sərbəst güləş üzrə Azərbaycan yığmasının əsas heyətinə cəlb edildi. Yanvarda Xorvatiyanın Zaqreb şəhərində baş tutan Zagreb Open beynəlxalq turnirinin bürünc medalına sahib olan Nurəddin Novruzov fevralda Rumıniyanın Buxarest şəhərində baş tutan Avropa Çempionatını da bürünc medalla başa vurdu.