Novruz toqquşmaları (2023)
Novruz toqquşmaları — 2023-cü ildə Türkiyədə Novruz bayramı zamanı kürd milliyətçiləri ilə solçular arasında baş tutmuş qarşıdurma.
| Novruz toqquşmaları | |
|---|---|
|
|
Toqquşmalar Novruz bayramından əvvəl bütün kürd milliyətçilərini kürd solçularına və Novruz şənliklərində yürüşləri tanınan LGBT icmasına və onun tərəfdarlarına hücum etməyə çağıran bəyanat dərc etdirən "Kürdên Nasyonalist" kimi tanınan kürd neo-nasist qrupu tərəfindən başladılmışdır.[1][2] Milliyətçilər xüsusi olaraq "kamalçı sol"u hədəf alaraq onları "parazit" adlandırmışdır. Əlavə olaraq, qeyd edilmişdir ki, "bir kürdün dırnağı əyilsə, bütün milliyətçilər sizin başınıza qonar".[3] Onlar həmçinin, Mustafa Kamal Atatürkü sevən hər kəs bayrama gəlsə hücuma məruz qalacağını söyləmişdilər.[4]
Diyarbəkirdə keçirilən Novruz bayramında bir qrup kürd milliyətçisi LGBT işarələri və bayraqları daşıyan bir qrup şəxsə yaxınlaşaraq onlara fiziki hücum etmişdir. Milliyətçilərin bir üzvü solçu türklərin də hücuma məruz qalacağını vurğulamışdır. O, öz qrupuna demişdir ki, "Novruz və ya kürdlüklə heç bir əlaqəsi olmayan TİP və LGBT bayraqlarını görsəniz, Novruz atəşini alovlandırmaq üçün onlardan istifadə edə bilərsiniz". Milliyətçilər münaqişəni sakitləşdirmək istəyən İnsan Haqları Dərnəyi (İHD) və TİP üzvlərinə hücum etmişdir. Solçuların və LGBT tərəfdarlarının çoxu döyülmüşdür. Milliyətçilərə qarşı cinayət işi də qaldırılmışdır.[5] Hücumların qurbanlarından biri döyülməmişdən əvvəl təqib edildiyini, onlara "bu bayraq nədir?" və "Kürdüstanda sizə yer yoxdur" deyildiyini bildirmişdir. Əksəriyyəti Bərzani və KDP tərəfdarı kimi qələmə verilən milliyətçilər LGBT-yə tolerant olanları və solçuları da güllələməyi planlaşdırdıqlarını qeyd etmişdilər.[6] PKK tərəfdarları da milliyətçilərin hücumuna məruz qalmadan əvvəl "yaşasın Apo" şüarları səsləndirmişdilər.[4] Milliyətçilərin çoxu bıçaqla silahlanmışdı.[7] LGBT simpatizanları başqa bir bayramda "Amedspor" xuliqanları və HAKPAR tərəfdarlarının hücumuna məruz qalmışdır.[8] Novruz bayramından sonra milliyətçi qruplaşmalar hücumlarla öyünmüş və təxribatçı bəyanatlar vermiş, LGBT icması isə Novruz şənliklərində iştirak etməyə davam edəcəklərinə söz vermişdilər.[4][9]
TİP öz tərəfdarlarını hücumlara görə bütün kürdləri ümumiləşdirməməyə çağırış etmiş, kürdləri dəstəkləməyə davam edəcəklərini və kürd millətçilərindən qorxmadıqlarını bildirmişdir.[10]
- ↑ "Diyarbakır Newrozu'nda homofobik saldırı: LGBTİ+'lar Newroz tertip komitesini göreve çağırıyor" (türk). 2023-03-22. İstifadə tarixi: 2024-03-17.
- ↑ Önal, Barış. "Diyarbakır Nevruz'unda Kürt Nazi saldırısı". Tele1 (türk). 2023-03-23. 2024-05-04 tarixində arxivləşdirilib. İstifadə tarixi: 2024-03-17.
- ↑ Odatv. "LGBT bayrağı yırtanlar: Kürt Naziler... "Kurden Nasyonalist"". Odatv (türk). 2023-03-22. 2024-03-18 tarixində arxivləşdirilib. İstifadə tarixi: 2024-03-18.
- ↑ 1 2 3 "Eşcinseller Diyarbakır'ı karıştırınca fondaş medya: Bir grup erkek saldırgan..." TRHaber (türk). 2023-03-23. İstifadə tarixi: 2024-03-17.
- ↑ "Mob attack on LGBTI+s during Diyarbakır Newroz celebrations". bianet.org (ingilis). 2024-03-17 tarixində arxivləşdirilib. İstifadə tarixi: 2024-03-17.
- ↑ "Newroz'da darp edilen Deniz: Örgütlü, faşist bir saldırı". bianet.org (türk). 2024-03-17 tarixində arxivləşdirilib. İstifadə tarixi: 2024-03-17.
- ↑ "Diyarbakır, İstanbul ve İzmir Newrozlarında LGBTİ+'ların onuruna saldırılar". bianet.org (türk). 2024-03-17 tarixində arxivləşdirilib. İstifadə tarixi: 2024-03-17.
- ↑ "Amedspor taraftarı LGBT'lilere saldırdı! -". firtinahaber.com. 2024-03-17 tarixində arxivləşdirilib. İstifadə tarixi: 2024-03-17.
- ↑ "LGBTI+ members attacked during Newroz celebration call for solidarity". www.duvarenglish.com. 2024-03-17 tarixində arxivləşdirilib. İstifadə tarixi: 2024-03-17.
- ↑ Önal, Barış. "Diyarbakır Nevruz'unda Kürt Nazi saldırısı". Tele1 (türk). 2023-03-23. 2024-05-04 tarixində arxivləşdirilib. İstifadə tarixi: 2024-03-18.