Novomixaylovski

Novomixaylovski (yerli əhali:Novomixaylovka) — Krasnodar diyarının Tuapsinski rayonunda şəhər tipli qəsəbə (kurort qəsəbəsi). Novomixaylovski şəhər məskunlaşma ərazisinin inzibati mərkəzi.

Novomixaylovski
rus. Новомихайловский
Gerb
44°15′09″ şm. e. 38°51′05″ ş. u.
Ölkə	Rusiya
Region	Krasnodar diyarı
Rayon	Tuapsinski rayonu
Tarixi və coğrafiyası
Əsası qoyulub	Bizim eranın 54-cü ili, 1864-cü il
Mərkəzin hündürlüyü	30 m
Əhalisi
Əhalisi	10.134 nəf. (2023)
Rəqəmsal identifikatorlar
Telefon kodu	+7 86167
Poçt indeksləri	352 855, 352 856
Novomixaylovski Novomixaylovski

Coğrafiyası

Qəsəbə Tuapsinski rayonun şiamal hissəsində, Neçepsuxo çayının mənsəbində yerləşir. Tuapse şəhərindən 35 km çimal-qərbdə, Krasnodar şəhərindən isə 125 km çənubda yerləşir.

Şimalda Plyaxo, şərqdə Psebe, cənubda Olginka kəndləri ilə həmsərhəddir. Həmçinin "Primorskaya", "Lastochka", "Çernomorye" və "Aqria" kənd-sanatoriyaları qəsəbənin yaxınlığındadır.

Qəsəbə Baş Qafqaz silsiləsinin cənub yamacında yerləşir. Üç tərəfdən şam və enliyarpaqlı meşələri olan dağ silsilələri ilə əhatə olunub. Qəsəbənin orta hündürlüyü dəniz səviyyəsindən təxminən 30 metr yüksəklikdədir. Sahilyanı hissəsi sıfır səviyyəli zonada yerləşir. Ərazinin ən hündür nöqtəsi şimal-şərqdə yerləşən Mayak dağıdır (304 m). Srednaya dağı (269 m) qəsəbənin şərq kənarındadır.

Hidroqrafik şəbəkə Neçepsuxo çayı ilə təmsil olunur. Qəsəbənin mərkəzində onun ən böyük sol qolu olan Psebe çayı Neçepsuxoya tökülür.

Kəndin iqlimi mülayim iqlimdən subtropikə keçiddir. İqlim şəraiti Qara dənizdən əsən hava kütlələri ilə xarakterizə edir. Orta illik temperaturu + 13,0 ° C, iyulun orta temperaturu + 23,0 ° C, yanvarın orta temperaturu isə + 4,0 ° C-dir. Orta illik yağıntı təxminən 1100 mm-dir. Yağıntıların çoxu qışda düşür.

Tarixi

Antik və orta əsrlər

Qəsəbə ərazisində antik və orta əsrlərə aidi yaşayış məntəqələri mövcud olmuşdur. Bunlardan ən böyüyü Zixi — Nikopsis (adıq Ныджэпсыхъо). İndiyədək qəsəbənin müxtəlif yerlərində qədim şəhərin xarabalıqları qorunub saxlanılmışdır.

13–15-ci əsrlərə aid İtaliya xəritələrinə görə, müasir yaşayış məntəqəsinin yerində Maura Cuxiya qalası var idi.(Maura Zicchia).

Müasir dövr

Qəsəbə Mixaylovskinin qəhrəmancasına döyüşən istehkamının şərəfinə adını almışdır (müasir kənd Arxipo-Osipovka yerində).

1870-ci ildə Şapsuq batalyonu dağıldıqdan sonra kənd formalaşmışdır.

2012-ci ilin 22 avqustunda leysan yağış nəticəsində Neçepsuxo çayında güclü daşqın baş verdi. Fəlakət zonasında 600 ev, xəstəxana və məktəb var idi. 4 nəfər ölmüş, 1500 nəfər xəsarət almışdır.

Əhalisi

Novomixaylovskinin əhalisi 10850 nəfərdir. (2020)