Nort-Kent adası
Nort-Kent ing. Lougheed Island — Kanada Arktik arxipelaqının Kraliça Yelezaveta adalarına daxildir. Adada hazırda yaşayış yoxdur (2012).
| Nort-Kent adası | |
|---|---|
| ing. North Kent Island | |
 | |
| Ümumi məlumatlar | |
| Sahəsi | 590 km² |
| Uzunluğu |
|
| Eni | 23 km |
| Hündür nöqtəsi | 642 m |
| Əhalisi |
|
| Yerləşməsi | |
| 76°40′00″ şm. e. 90°08′00″ q. u.HGYO | |
| Ölkə |
 Kanada |
| Vilayət | |
| Akvatoriya | |
|
|
|
Ada Devon adasının şimal-qərbindəki Kolin Arçer yarımadası ilə Elsmir adasının cənub-qərbindəki Simmons yarımadası arasında yerləşir. Şimali Kent Elsmir adasından 6 kilometrlik Xell-Qeyt boğazı (ingilis dilindən tərcümədə - "Cəhənnəm Qapıları"), Devon adasından 7,5 km eni olan Kardiqan boğazı ilə ayrılır. Nort-Kent adasının sahəsi 590 km², sahil xəttinin uzunluğu 122 km-dir[1].
Adanın demək olar ki, üçbucaqlı forması var, uzunluğu 41 km, eni şimalda 22 km-dən cənubda 10,5 km-ə qədərdir. Adanın sahilləri əsasən dənizə sıldırım şəkildə kəsilir. Sahil qayalarının hündürlüyü 50-100 metrdir. Relyefi şimalda hündürlüyü təqribən 400 metr, cənubda isə dəniz səviyyəsindən 600 metrdən yuxarı olan daxili dağlıq əraziyə bölünür.
Adanın cənub yarısının mərkəzi hissəsi daimi olaraq buzla örtülmüşdür. Buz örtüyü və ona bitişik buzlaqlar 150 km² ərazini əhatə edir[2].
Nort-Kent adası, eləcə də adanın cənub ucundan 5 km aralıda yerləşən kiçik Kalf adası köçəri quşlar üçün mühüm yuva yeridir. Quş koloniyaları Nort-Kent adasının şərq və cənub-şərq sahillərində, Kalf adasının bütün sahili boyunca uçurumlarda yerləşən 9 km-lik qayalıqlar zolağında yerləşir. Maydan sentyabr ayına qədər adalarda quşlar yuva qurur. Əsas quş növləri: adi təmizçi, qaqa, qütb qağayısı və qağayıdır.
Adanın sahilləri boyunca axan güclü cərəyanlar iri məməliləri buraya cəlb edən iri polinyalar əmələ gətirir: morjlar, Halqaşəkilli suiti və narvallar[3].
- ↑ "Atlas of Canada. List of Islands". 2012-01-28 tarixində arxivləşdirilib. İstifadə tarixi: 2011-12-03.
- ↑ "The Islands Encyclopedia. North Kent Island". 2010-12-23 tarixində orijinalından arxivləşdirilib. İstifadə tarixi: 2022-02-09.
- ↑ "IBA. North Kent Island". 2011-06-12 tarixində arxivləşdirilib.