Nino Rota 1911-ci ildə Milanda musiqiçi ailəsində anadan olmuşdur. Uşaqlıq illərində Romaya gəlmiş, həmin şəhərdə konservatoriyaya daxil olmuş və 1929-cu ildə oranı bitirmişdir. Hələ konservatoriyada təhsil alarkən Nino Rota fövqəladə qabiliyyətli uşaq – vunderkind hesab olunurdu. O, özünü bəstəkar və orkestr dirijoru kimi təsdiq etmişdi. Hətta onun ilk oratoriyası olan "L’infanzia di San Giovanni Battista" artıq 1923-cü ildə Milanda və Parisdə səsləndirilmişdi.

1930–1932-ci illərdə o, ABŞ-də yaşamışdır. İtaliyaya qayıdandan sonra Milan Universitetində ədəbiyyatı öyrənmişdir. 1937-ci ildə isə Nino Rota müəllimlik fəaliyyətinə başlamışdır. 1950-ci ildən ömrünün sonuna kimi (1979) Bari konservatoriyasının direktoru vəzifəsində çalışmışdır.

Nino Rota bir sıra opera və baletlərin, o cümlədən, "Ariodante" (1942), "Torquemada" (1943), "I due timidi" (1950), "Il capello di paglia di Firenze" (1955), "La notte di un nevrastenico" (1959–1960), "Aladino e la lampada magica" (1968), "La visita meravigliosa" (1970), "Napoli milionaria" (1977) kimi operaların və "La rappresentazione di Adamo ed Eva" (1957), "La Strada" (1965), "Aci e Galatea" (1971), "Le Molière imaginaire" (1976) və "Amor di poeta" (1978, xüsusi olaraq Moris Bejar üçün yazılmışdır) kimi baletlərin müəllifi olmuşdur. Bundan başqa, bəstəkar bütün dünya musiqisevərlərinin rəğbətini qazanmış orkestr üçün musiqilər də yazmışdır.

1940-cı illərdən başlayaraq Nino Rota müxtəlif kinofilmlərə də musiqi bəstələmişdir. O, Federiko Fellini, , Lukino Viskonti, Franko Zeffirelli, , Frensis Ford Koppola kimi kino rejissorları ilə çalışmışdı. 1974-cü ildə Nino Rota "Xaç atası 2" filminə yazdığı musiqiyə görə ən yaxşı musiqi nominasiyasında nüfuzlu "Oskar" mükafatına layiq görülmüşdür.

Nino Rota 10 aprel 1979-cu ildə Romada vəfat etmişdir.

1. / Sotto il sole di Roma
2. / The Glass Mountain
3. / Obsession
4. / Pirates of Capri
5. / Anna
6. / Lo Sciecco Bianco
7. / La Grande speranza
8. Yol (film, 1954) / La Strada
9. / Il Bidone
10. / War & Peace
11. / Le Notti bianche
12. Kabiriyanın gecələri (film, 1957) / Le notti di Cabiria
13. / La Loi C'Est La Loi…
14. / Fortunella
15. / La Grande Guerra
16. Şirin həyat (film, 1960) / La Dolce Vita
17. Rokko və onun qardaşları (film, 1960) / Rocco e i Suoi Fratelli
18. / Boccaccio '70
19. / Il Gattopardo
20. Səkkiz yarım (film, 1963) / 8 ½
21. İnadkarın ram edilməsi (film, 1967) / The Taming Of The Shrew
22. Romeo və Cülyetta (film, 1968) / Romeo and Juliet
23. / I Clowns
24. / Waterloo
25. / Roma
26. Xaç atası (film, 1972) / The Godfather
27. / Amarcord
28. Xaç atası 2 (film, 1974) / The Godfather Part II
29. / Prova d’orchestra
30. Nildə ölüm (film, 1978) / Death on the Nile
31. / Hurricane
32. Xaç atası 3 (film, 1990) / The Godfather Part III