Xırda trematodlardır. Bədənin uzunluğu 1,6–1,8 mm, maksimal eni (qarın sormacı sahəsində) 0,62–0,68 mm-dir. Bədənin axırına qədər tikanla örtülmüş, kutikulanın uzunluğu 0,02 mm-dir. Ağız sormacı yaxşı inkişaf etmişdir. Diametri 0,21 mm-dir. Oval farinksın ölçüləri isə 0,090–0,122 x 0,095–0,113 mm-dir. Qida borusu yoxdur, qarın sormacı yaxşı inkişaf etmişdir, dairəvidir. Bir qədər ağız sormacından kiçikdir, diametri 0,17 mm-dir. Toxumluq bir ədəddir, tam kənarları uzunsov-oval formadadır. O, bədənin median xəttində yerləşmişdir. Onun yuxarı kənarı qarın sormacının aşağı kənarına girir. Qarın sormacının mərkəzi bədənin orta və bir az aşağı hissəsində yerləşir. Toxumluğun ölçüsü 0,248–0,297 mm-dir. Yumurtalıqlar girintili-çıxıntılı olub bədənin median xəttindən sağda yerləşir. Yumurtalıqlar girintili-çıxıntılı olub bədənin median xəttindən sağda yerləşir. Onun aşağı kənarları sarılığa toxunur. Ölçüləri 0,162–0,203*0,162 mm-dir. Bədənin tam orta 1/3 hissəsinin yanlarında sarılıqlar yerləşir. Onlar iri follikullardan ibarətdir. Sağ yumurtalıqlarının uzunluğu 0,309–0,324 mm, sol yumurtalıqlarının uzunluğu isə 0,269–0,389 mm-dir. Sarılıq axarları qarın sormacının yuxarı hissəsindən keçib ona qarışır və sarılıq rezervuarı əmələ gətirir. Balalıq yaxşı inkişaf etmişdir. Balalıq ilgəkləri ağız sormacının arxa sərhədlərindən başlayaraq, bədənin axırına qədər uzanır. Yumurtalıqlar açıq sarıdan tünd qəhvəyi rəngdə olub, ölçüləri 0,032-0,041*0,016-0,024 mm-dir..

Azsaylı- növdür, növdaxili müxtəlifliyi , orqanizm olub, quşların (Larus ichtyhaetus) böyrəklərində yaşayır. Mürəkkəb həyat tərzi keçirir. Epiteli hüceyrələri ilə qidalanır. Nəsillərin növbələşməsi və sahiblərin dəyişilməsi ilə müşayit edilir. Düşmənlıri yoxdur. Hermofradit orqanizmdir. Cinsi çoxalması yumurta qoyma (nəsil dəyişkənliyi) və qeyri-cinsi çoxalma (partenogeniz) formasında olur. Üçüncü dərəcəli konsumentdir. Reproduktivliyi və xromosom göstəriciləri öyrənilməmişdir. Mühafizəsinə ehtiyac yoxdur.

Dünyada 3 növ, Azərbaycanda 1 növü var. Azərbaycanda Dəvəçi limanında geniş yayılmışdır.