Neman deltası (lit. Nemuno delta) — Baltik dənizinə töküldüyü yerdə formalaşdırdığı relyef forması. Delta bir neçə çay qolları və kanallardan ibarətdir. Neman deltasında polderlər və su-bataqlıq ərazilər üstünlük təşkil edir. Bu regionun zəngin təbiəti ərazidə ekoturizmin inkişafına böyük təkan verir.
Neman deltasında əsas ayrılan qol Atmata çayıdır. Digərləri daha balacadır: Pakalne, Upayte, Skirvite, Varusne və s. Deltanın ortasında Litvanın ən böyük adası — Rusne yerləşir. Adada deltanın ən böyük yaşayış məntəqəsi Rusne var. Məntəqənin əhalisi 1630 nəfərdir.
Ümumi məlumat
Neman deltasında olan bataqlıq ərazilər 1993-cü ildən beynəlxalq önəm daşımış və Ramsar konvensiyası ilə qorunur. Təbəti qorumaq və elmi araşdırmalar aparmaq məqsədi ilə 1992-ci ildə Neman deltası regional parkı yaradılmışdır Parkın ərazisi 239,5 km²-dir. Park ərazisində 14 qoruq və su hövzəsi mövcuddur. Park ərazisinin 20 % su ilə örtülüdür. 1999-cu ildən hər ilin oktyabrında Litva ornitoloqlar cəmiyyəti və park administrasiyası ərazidə quşların müşahidəsini həyata keçirirlər. Hər il delta yağışlı mövsümdə daşqına məruz qalır və bu daha çox ətraf mühitə, eləcə də kənd təsərrüfatına, balıqçılığa və turizmə mənfi təsir göstərir.
Hər yaz Neman deltası müxtəlif növ quşların məkanına çevrilir. Ümumi növlərin sayı — 200, onlardan 40 növ Qırmızı kitaba daxil olunmuş. Bu ərazi köçəri quşların dayanacaq yeridir. Bunlaradan Ağquyruq dəniz qartalını, durnalar, Qaradöş qumluqca, Acrocephalus paludicola və s. misal göstərmək olar.
Əsas elmi-araşdırma mərkəzi Vyansedə yerləşir.
Panorama
İstinadlar
- (polyak). Oficyna Wydawnicza "Rewasz". 2005-01-01. İstifadə tarixi: 2016-04-14.
- BirdLife International. . www.birdlife.org. 2016-04-20 tarixində . İstifadə tarixi: 2016-04-14.
- e-solution: Gaumina www.gaumina.lt. . www.lithuania.travel. 2016-09-24 tarixində arxivləşdirilib. İstifadə tarixi: 2016-04-14.
- . echodnia.eu. 2016-05-04 tarixində arxivləşdirilib. İstifadə tarixi: 2016-04-14.