Teatrın kollektvinin formalaşmasında Azərbaycan Respublikasının xalq artistləri İbrahim Həmzəyev, Z. Həmzəyeva; rejissorlar-Azərbaycan Respublikası əməkdar incəsənət xadimi Bəxşi Qələndərli, Azərbaycan Respublikası əməkdar artisti V. Babayevin mühüm xidmətləri olmuşdur.

Cəfər Cabbarlının Solğun çiçəklər əsərinin uğurlu tamaşasına görə 1971-ci ildə kollektivə Azərbaycan Mədəniyyət Nazirliyi, Azərbaycan xalq yaradıcılığı və metodiki mərkəzi tərəfindən xalq teatrı statusu verilmişdir. Respublikanın bir çox şəhər və rayonlarında qastrolda olmuşdur.

Repertuarlarında oynanılan əsərlər

Əbdurrəhman Haqverdiyevin Bəxtsiz cavan, Bəxtiyar Vabahzadənin "Yollara iz düşür", Nazim Hikmətin "Unudulan adam", Cəfər Cabbarlının "Aydın", Cəlil Məmmədquluzadənin Ölülər, "Kamança", Gilyermo Figeyrerdənin Ezop əsərləri əsas yer tutub.

1980-ci ildə Ezop tamaşasına görə respublika xalq teatrları baxış müsabiqəsində qalib gəlmişdir.

• Naxçıvan Ensiklopediyası. Bakı. 2002. səh. 356. ISBN 5-8066-1468-9.