Navarralı Janna 1273-cü ildə Navarra kralı və xanımı ın yeganə qızı olaraq dünyaya gəldi. Hələ bir yaşında ikən atasının vəfatıyla Navarra kraliçası elan edildi. Ancaq yaşı səbəbilə anası onun qoruyucusu və taxt naibəsi təyin edildi.

Ancaq azyaşlı kraliça və onun anasının zəif naibəliyi səbəbilə, qısa zamanda Navarra yerli və xarici qüvvələrin mübarizə meydanına çevrildi. Buna görə də, qızını da alaraq 1274-cü ildə Fransaya qaçdı və bir il sonra III Filipplə bağladığı sülh müqaviləsiylə Fransa təbəəliyini qəbul etdi. Bağlanan sülh müqaviləsinə görə, Navarranın azyaşlı kraliçası Fransa kralının oğullarından Ədalətli Filipplə nişanlandı və hər ikisi Fransa sarayında birlikdə böyüdülər.

Nəhayət, 16 avqust 1284-cü ildə cütlüyün toy mərasimi baş tutdu. Mərasimin ardından Navarra kralı elan edilən Ədalətli Filipp, bir il sonra atasının vəfatıyla Fransa kralı təyin edildi. Beləcə, Navarralı Janna da həm Navarra, həm də Fransa kraliçası oldu. Cütlüyün dünyaya gələn hər üç oğlu Fransa kralı, yeganə qızları olan İzabella isə İngiltərə kraliçası olmuşdur. Krala olduqca bağlı olan Navarralı Janna bu səbəblə, heç vaxt Navarraya qayıtmadı. Krallığı isə öncə qaynatası, daha sonra ərinin təyin etdiyi fransız hakimlər tərəfindən idarə edildi.

Navarralı Janna 1305-ci ildə doğuş əsnasında vəfat etdi. Cənazəsi isə Parisdəki Kordelya malikanəsinə dəfn edildi.

1. Marqarita (128-1294)
2. X Lüdovik
3. Blanş (1290-1294)
4. V Filipp
5. IV Çarlz
6. İzabella
7. Robert (1297- iyul 1308)

• Menache, Sophia (1998). Clement V. Cambridge, England: Cambridge University Press. p. 85. ISBN 0521592194
• Echols, Anne; Williams, Marty, eds. (1992). An annotated index of medieval women. Markus Wiener Publishers. ISBN 9780910129275
• George, Hereford Brooke (1875). Genealogical table illustrative of Modern History. Oxford at the Clarendon Press.