Nensi 2009-cu il Ramazan ayında "Akid Akid Maestro" verilişində "Sallemooly 3aleih" və "Sheikh el Shabab" mahnılarından bir hissə oxuyaraq albomdan ilk ipucuları verdi. İlk mahnı "Sallemooly 3aleih'" albomdan çıxarılaraq, 2010-cu ildə Yeni İl ərəfəsində sinql şəklində buraxıldı və Ərəb radio stansiyaları arasında çox böyük uğur qazandı. Bu, Nensinin misirli prodüser və bu albomdan 3 mahnını aranjeman edən Tamim ilə ilk əməkdaşlığı idi. Daha sonra Nensi valideynlərinə və övladına olan münasibətlərinə aid "Hekayet el deni" (Həyat hekayələri) mahnısını oxuyacağını elan etdi. Bu mahnının öncəki adı "Ghafwet Eini" idi. Daha öncə "Assly" adı ilə tanınan "Bayyaa' we Shater" mahnısı haqqında xəbərlər öncədən elan olundu. Deyilənlərə görə, albom "Bel Hadawa" adlanmışdı ki, bu da albomun aparıcı sinqlı olmalı idi. Bir halda ki, bu mahnı albomun çıxmasından bir neçə ay öncə qeyri-rəsmi olaraq internetə sızmışdı və aparıcı sinql olması dəyişdirilmişdi. Zahi Wehbinin "Khaleek Bel Beit" verilişində Nensi buna açıqlama vermişdi:
“Mənim albomum özündə bir çox yeni dəyişiklikləri birləşdirəcək. Albomda lirik məzmun baxımından daha ciddi mahnılar, ümumiyyətlə isə müasir və ənənəvi səslərlə daha sakit mahnılar olacaq. Bundan əlavə, sevənlərimin daha çox sevdiyi ritmli və optimist mahnılarımla həmişəki eyniliyə sadiq qalacam.”
Əvvəlcə, deyilənə görə albomun adı "Bel Hadawa"-dan "Einy Aleik"-ə dəyişildi. Bir halda ki, albom çıxmazdan bir neçə həftə öncə elan olundu ki, Nensinin karyerasında 7-ci studiya albomu olması ilə əlaqədar olaraq, bu albomun adı "7" qoyulsun.
Albomun 2010-cu il yayın əvvəli buraxılması öncədən planlaşdırılmışdı. Lakin Nensinin 2010 FIFA Dünya Kuboku layihəsinin Yaxın Şərq versiyasının rəsmi mahnısını oxuması, eləcə də İslamın müqəddəs ayı Ramazanla əlaqədar olaraq, albomun buraxılması Sentyabrın əvvəllərinə təxirə salındı. Son olaraq buraxılış tarixi 6 Sentyabr elan olundu, albomun reklamı üçün 6 mahnı yerli ərəb stansiyalarına paylanıldı. Eləcə də Nensi Ajramın rəsmi Facebook səhifəsində elan verildi. Nensi albomunu, əsasən, online olaraq, yəni rəsmi internet saytı və Facebook səhifəsi vasitəsilə reklam etdi ki, bu, ən böyük ərəb səhifəsi idi. Bütün albom artıq Sentyabrın 2-də internetə sızaraq onlarla forumda yüklənməyə açıq vəziyyətə gəldi və şirkət təsadüfən albomun buraxılmasını həmin günə elan etdi.

Tarek Madkour Nensinin öncəki albomundakı rok/yumşaq rok olan işlərindən fərqli olaraq, bu albomdan Misirin Maksoum janrından olan 2 mahnını aranjeman etmişdir. "Bayyaa' We Shater" mahnısı bu albomda Nensinin daha öncəki albomunda olan "Mogabah" və "Ashtiki Menno" adlı maksoum tərzində olan mahnılarının ən yaxşı davamı sayılır. Bəstəkar Mahmoud Khiaminin Nensi üçün təqdim etdiyi bu tərz onun öncəki albomundan olan "Wana bin edik" yumşaq balladasından fərqlənirdi. "Belhadawa" Madkourun bu albomdakı ikinci, daha ənənəvi və 80-ci illərin təsiri ilə yazılan mahnısı idi. Ancaq sözləri cəhətdən daha ciddi xarakter daşıyan bu mahnı "Bayaa We Shater" mahnısı ilə müqayisədə daha az diqqət cəlb etdi.
Bu, Nensinin ilk çox satılan albomu idi ki, ona Samir Sfeir ilə Tarek Madkour əməkdaşlığı daxil deyildi. Samir Sfeir bu alboma 3 mükəmməl mahnı bəxş etdi ki, hər biri ayrılıqda albom üçün çox özəl idi. "Men Ely Ma Ando" 70-ci illərin Qərb disko musiqisi janrında olmaqla, Nensi üçün tamamən yeni bir tərz idi. Mahnı, bir insan həyatının gəncliyi və sevgisində olan elementlərin vacibliyi haqda danışır. "Ya kethar" Samir Sferin "Ah W Noss" albomundan olan "La teloum" mahnısından sonra Nensi üçün yazdığı ikinci Khaleeji (körfəz) ləhcəsində olan mahnısı idi. Albom çıxmazdan öncə Nensi bu Khaleeji mahnısının hit olacağına əminliyini bildirmişdi. Doğrudan da bu mahnı Nensinin 2006-cı ildəki "Meshtaga leik" Khaleeji mahnısından sonra ən çox müsbət fikirlər alan mahnı oldu. Samir Sfeirin sonuncu mahnısı "Hekayet el deni" öncəki sevgi mahnılarından mövzusuna görə çox fərqli idi. Bu təsirli mahnı Nensinin validyenləri ilə münasibətlərinə və xüsusən də, özü ana olduqdan sonra bu istiqamətdə olan səylərini necə yüksək dəyərləndirməsinə aid idi.
Mohammed Rahim bu albom üçün 3 mahnı bəstələmişdi. "Fi hagat" albomun aparıcı sinqlı olub, dəyər verilməyən sevgilinin duyğuları haqda olan kədərli mahnıdır. Rahim bundan əlavə, bu albom üçün sadə 2 Misir mahnısı da yazdı. Onlardan biri "Ok", digəri isə "Einy Aleik" idi ki, deyilənə görə əvvəllər albomun başlıq mahnısı olaraq seçilmişdi. Bu mahnıların hər ikisi Nensinin müasir Misir musiqisini daha dərindən kəşf etdiyini göstərir. Walid Saad öncə Nensi Ajrama 3 mahnı təqdim etdi, onlardan biri, yəni "Sallemouly aleih" albomdan çıxarılaraq, bir neçə ay öncə sinqlı olaraq buraxıldı. Onun kədərli latın balladalarını xatırladan "Emta Hashoufak" mahnısı Nensi üçün tamamən yeni bir tərz idi. "Kol Ma Tedy" mahnısı isə amerikan müğənni və aktrisası Cher-in "The Music's No Good Without You" mahnısından nümunə olaraq götürülmüşdü.
"Sheikh al shabab" mahnısı hələ albom çıxmazdan öncə Nensi fanatlarının sevimli mahnısı oldu. Belə ki, Nensi bir televiziya şousunda bu mahnıdan bir hissə oxumuşdu. Salim Salamanın yazdığı "Sheikh el shabab" mahnısı Nensinin Salama tərəfindən daha öncə də yazılmış Livan pop janrında olan "Mashy haddy" və "Ehsas gedid" hitlərinin davamı idi.

N7 albomunun reklam kampaniyaları çox geniş idi: 2010-cu il Avqustun sonlarından etibarən Livan və Misir şəhərlərinin küçələri albomun örtük şəkli olan reklam lövhələri ilə doldurulmuşdu. Daha öncə Nensinin rəsmi facebook səhifəsində təqdim olunan "Fi hagat" klipinin 16 saniyəlik fraqmentini artıq televiziya kanalları da yayımladı.

Alboma dəstək üçün Nensi 2011-ci il ərəb ölkələrinə olan turu zamanı müxtəlif verilişlərdə iştirak etmişdir. Nensi yeni albomu üçün yayda dünya turuna başlamağı düşünürdü, ancaq ikinci övladına hamiləliyi bir çox səfərlərin və verilişlərin təxirə salınmasına səbəb oldu.

Bu albomun sinqlları Nensinin daha öncəki sinqllarından tərzinə görə kifayət qədər fərqlənirdi. Nensi həmçinin rəsmi facebook səhifəsində fanatlarından bu albomda onların ən sevdiyi mahnıların hansılar olduğunu öyrənmək üçün sorğu keçirmişdi.

• "Fi Hagat" aparıcı sinq olaraq seçilmişdi. Klip Nadine Labaki tərəfindən çəkilmişdir. Bu, onun 4 illik fasilədən sonrakı ilk klip işi idi. "Fi hagat" klipi Nensinin dəyər verilməyən sevgili olması duyğularını gizlədirdi. Bu klip Nadinenin öncəki işi "Lawn Ouyounak" hitini davam etdirirdi. Klip, albomun çıxmasından öncə Nensinin rəsmi facebook səhifəsində 16 saniyəlik fraqmentlə yayımlanmışdı. Mahnı daha sonra radiolara da verildi. Klip 2010-cu il 6 Sentyabrda Arabica TV və MTV Livan kanallarında təqdim olundu.
• "Sheikh El Shabab" albomun ikinci sinqlı olaraq buraxıldı. Bu klipin çəkilməsi Nensi və rejissor Leila Kanaan arasındakı dördüncü əməkdaşlıq oldu. "Sheikh el shabab" mahnısına çəkilən klip komediya janrında idi. Mahnı rəsmi olaraq buraxılmazdan öncə artıq çox böyük uğur qazandı və Nensinin Facebook səhifəsində bu albomla bağlı keçirən sorğuda 2-ci yerə çıxdı.
• "Ya kethar" mahnısı Nensinin facebook səhifəsində "N7" albomunun 3-cü sinqlı olaraq təsdiq olundu və klipin çəkilişlərindən şəkillər də paylaşıldı. Bu şəkillərdə Nensinin qızı Milanın da çəkilişlərdə olduğu görünürdü, bununla o, ilk dəfə media qarşısına çıxmış oldu.
• Nensi Casino Du Liban-da baş tutmuş konsertindən dərhal sonra "Meen Elly Ma Ando" mahnısının "N7" albomunun 4-cü sinqlı olduğunu təsdiqlədi. Bu mahnı növbəti DAMAS Farfasha kampaniyasının reklamında istifadə olunacaqdı. Rəsmi klipin 2012-ci ilin Mart ayında çəkilməsi nəzərdə tutulsa da təxirə salındı, daha sonra isə hava şəraitinin pis keçməsi ilə bağlı olaraq tamamilə dayandırıldı.

1. "Einy Aleik" 4:28 / Gözüm səndə
2. "Taakhart Shway" 4:20 / Bir az gecikirəm
3. "Eih Akhbar Nafsiyeto" 3:36 / Onun keyfi necədi?
4. "Emta Hashoufak" 3:57 / Səni nə vaxt görəcəm?
5. "Ya Kethar" 5:09 / Nə qədər çox
6. "Ok" 3:27 /Ok
7. "Fi Hagat" 4:26 / Bəzi şeylər var
8. "Lessa Gayya Aqoul" 4:07 /
9. "Bel Hadawa" 4:09 / Sakitləş
10. "Meen Elly Ma Ando" 4:15 / Kimin yoxdu
11. "Eih Elli Garaly" 4:23 / Mənə nə oldu
12. "Kol Ma Tedy" 4:42 / Nə qədər çox versən
13. "As'aad Allah Masak" 3:36 / Allah xeyirli axşamlar versin
14. "Sheikh el Shabab" 3:21 / Gənclərin şeyxi
15. "Bayya W Shater" 4:21 / Hiyləgər satıcı
16. "Hekayat El Deni" 4:28 / Həyat hekayələri

Albom haqqında olan ilkin fikirlər albomun janr və mövzu müxtəlifliyini göstərirdi. Tənqidçilər Nensinin 2003-cü ildən indiyə qədər qoruyub saxladığı ənənəvi ab-hava ilə yanaşı, yeni musiqi tərzləri və anlayışlarını da izləməsini xoş qarşıladılar.
Həm albom, həm də "Fi hagat" mahnısı Hitmarker hit paradlarında 1-ci yerdə idi. Albom bütün mediada və internetdə müsbət qarşılanaraq çox böyük uğur qazandı və çıxmazdan 3 gün öncə məşhur ərəb musiqi saytı FunkyPharaoh-da elan olundu. Bloqçu və aparıcı DJ Man De Lev albomun müxtəlif mahnılarını xırda detallarına qədər müzakirə edərək, albomda tərzləri gözəl şəkildə qarışdırdığı üçün Nensini təriflədi. O, həmçinin, Mohamed Rahimi albomun ulduz bəstəçisi, Tamimi isə albomun ulduz aranjemançısı olaraq qeyd etdi. Beljaw onlayn musiqi jurnalı "Radioya göndərilən mahnılar Nensi üçün yeni uğur fırtınasından xəbər verir, hansı ki, uğurlarının nə qədər çox artmasından asılı olmayaraq öz sevənləri üçün yalnız özəl işlər təqdim edir." deyərək, alboma müsbət fikir bildirmişdi.

"N7" albomu 6 həftə dalbadal ilk pilləni tutaraq, Livanda 2010-cu ilin ən çox satılan albomlarından biri oldu. Albom Livan da daxil olmaqla, 5-dən çox Ərəb bölgəsində Virgin Megastores fiziki satış qrafikində üstünlüyü əldə etmişdi.
Albomun uğuru Ərəb dünyasını aşaraq, Paris - Fransa Virgin Megastore üzrə də birinci yerləri tutdu. Albom Livanın Virgin Megastores fiziki satış qrafikində dalbadal 8 həftə birinciliyi qoruyub saxladı. N7 albomu bütün Ərəb dünyası üzrə albom satışı qrafiki olan HİTMARKER-də ard-arda 42 həftə üstünlüyü saxladı. "Fi hagat" mahnısı dalbadal 15 həftə birinci olaraq Hitmarker tarixində ən uzun müddət birinci pillədə qalan mahnı olduğu üçün Meqahit adlanmışdı. Albom həmçinin Mawaly albom hit paradında dalbadal 14 həftə, aparıcı sinql "Fi hagat" isə Mawaly mahnı hit paradında dalbadal 13 həftə birinciliyi tutdu. Alboma daxil olan digər hit "Sheikh el shabab" Hitmarker mahnı hit paradlarında dalbadal 17 həftə üstünlüyü əldə saxladı. “Ya kethar” mahnısı isə Hitmarkerdə 8 həftə qalib oldu. "N7" albomunun 10-dan çox mahnısı internetdə yaxud Ərəb radio stansiyalarında bir çox hit paradlara daxil oldular. "Fi hagat" mahnısı Ayyam Fm İordaniya stansiyasına təqdim olunaraq 2010-cu ilin 50 mahnısı arasında 2-ci yeri tutmuşdu. Digər tərəfdən, "Sheikh el shabab" mahnısı "Lebnan EL 7orr" və "Hala Fm - İordaniya" radio stansiyalarında ilin mahnısı seçilmişdi.

World Music Award 2011

Murex D'or mükafatlandırma mərasimi 2011-ci ilin İyun ayında keçirildi. Nancy bu il gözlənilən kimi bir neçə mükafatı birdən aldı. Onlar aşağıdakı 7 nominasiya idi.

Nensi 2010-cu ildə Stars Cafe Awards mükafatlarına 9 nominasiya ilə namizəd olan ilin ən böyük nominantı idi. Onlardan biri də 2010-cu il FIFA Dünya Kubokunun mahnısı olan "Waving Flag" ("Shagga bi alamak" - "Bayrağını yellə") yay hitinə aid idi. Bundan əlavə, o, İlin Klipi nominasiyası üzrə eyni vaxtda 2 dəfə namizəd olan ilk sənətçi idi.

• "Fi hagat" klipi Youtube portalına yükləndikdən 4 ay sonra saytın ən çox izlənilən Ərəb videosu oldu.
• Albomun buraxılması Nensi Ajrama dünya şöhrəti gətirir, bunun nəticəsində də Facebook səhifəsində izləyici sayı 2 milyonu keçərək, ən böyük Ərəb səhifəsi oldu.
• N7 albomunun sayəsində Nensi Ajram bu zamana qədər Facebookda 1 milyondan çox izləyici toplayan ilk Ərəb sənətçisi oldu.
• N7 albomu Hitmarker albom hit paradı tarixində dalbadal 42 həftə birinci olan ilk albom idi.
• Albomun ilk iki sinqlı HitMarker-də 6 ay ərzində üstünlüyü əldə saxladı.
• Albom çıxdıqdan sonrakı 1 il ərzində bütün Ərəb dünyasının Virgin Megastore hit paradlarında birinci yerdə oldu.

Albomun adında dəfələrlə olan dəyişikliklər Yaxın Şərqin musiqi cəmiyyətində mübahisəyə səbəb oldu. Albomun köhnə başlıq mahnısı sayılan "Einy aleik" ilə Misir müğənnisi Sherine Wagdy-nin "Bein el Beneen" mahnısı arasındakı bənzərlik də mübahisələrə səbəb oldu. Hansı ki, hər ikisinin də müəllifi Mohammad Rahim idi. Nensi qeyd etdi ki, albom çıxana qədər onun o mahnıdan xəbəri yox idi. Lakin öz mahnısının "Ya Salam" albomu ilə birlikdə çıxmasının planlaşdırıldığını göstərən Nensi təsdiqlədi ki, onun 2003-cü ildən etibarən bu mahnıya tamamən haqqı çatır. Prodüser Tarek Madkour qeyd etdi ki, o, bu mahnının Wagdy-nin mahnısı ilə olan bənzərliyinə görə 2003-cü ildə bunu hazırlamaqdan imtina etmişdi. Baxmayaraq ki, Tamim bu mahnını N7 albomu üçün hazırladı.
Növbəti mübahisə albomun mahnılarının və kliplərinin internetdə yayımlanması ilə bağlı idi. Bir halda ki, Nensi bunları inkar edərək, yaradıcılıq işləri və albomlarının reklamlarını tam olaraq nəzarətə götürdüyünü bildirdi.
Həmçinin "Kol ma tedy" mahnısı həmkarı Elissanın mahnısına bənzədilmişdi.