Namiq Mayis oğlu Əmirəliyev (23 mart 1960, Ağsu) – Azərbaycan Tibb Universitetinin Onkologiya kafedrasının professoru, tibb elmləri doktoru, baş və boyun şişləri üzrə cərrah-onkoloq, Azərbaycan Tibb Universitetinin Onkoloji Klinikasının baş və boyun şişlərinin cərrahiyyəsi bölməsinin rəhbəri. Baş və Boyun Onkologiyası Beynəlxalq Federasiyaının (İFHNOS) eksperti, Evroasiya Baş və Boyun Onkoloji Cəmiyyətinin (EASHO) üzvü.
| Namiq Əmirəliyev | |
|---|---|
 | |
| Doğum tarixi | 23 mart 1960 (64 yaş) |
| Doğum yeri | |
| Elm sahələri | onkologiya, baş və boyun şişləri[d] |
| Elmi dərəcəsi | |
| Elmi adı | |
| İş yeri |
|
| Təhsili |
|
| Elmi rəhbəri | Əhliman Əmiraslanov |
Həyatı
Əmirəliyev Namiq Mayis oğlu 1960-cı ildə Ağsu şəhərində dünyaya gəlib. 1977-ci ildə Bakı kimya-biologiya təmayüllü orta məktəbi əla qiymətlərlə bitirərək 1978-ci ildə Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsinə qəbul olub. 1983-cü ildə həmin institutu fərqlənmə diplomu ilə bitirmiş, 1984-cü ildə A. T. Abbasov adına Bakı şəhəri Onkoloji Dispanserində kliniki internaturanı keçmişdir. İnstitutu bitirdikdən sonra 1985–1988-ci illərdə təyinatla Şamaxı rayon Mərkəzi Xəstəxanasında onkoloq kimi çalışmışdır. 1988–1990-cı illərdə SSRİ-nin Moskvadakı Onkoloji Elmi Mərkəzində klinik ordinaturanı keçmiş və 1991–1992-ci illərdə Azərbaycan Həkimləri Təkmilləşdirmə İnstitutunda onkologiya kursu ilə cərrahiyyə kafedrasında baş laborant vəzifəsində işləmişdir. 1992–2003-cü illərdə Azərbaycan Tibb Universitetinin Onkologiya kafedrasında assistent, 2004–2009-cu illərdə dosent kimi fəaliyyət göstərmişdir.
2007-ci ildən Azərbaycan Tibb Universitetinin Onkoloji Klinikasının baş və boyun şişlərinin cərrahiyəsi bölməsinin rəhbəri, 2009-cu ildən Onkologiya kafedrasında professor vəzifəsində çalışır. 1998–2001-ci illərdə N. N. Bloxin adına Rusiya Onkoloji Elmi Mərkəzinin baş və boyun şişləri şöbəsində doktoranturada olmuş, 2002-ci ildə həmin mərkəzdə baş və boyun şişlərinin orqansaxlayıcı cərrahi müalicəsi üzrə ixtisasartırma kursu keçmişdir. 2013-cü ildə Ukraynanın Kiyev şəhərində Xərçəng institutunda və Onko-Larinqologiya institutunda, 2014-cü ildə Türkiyənin İzmir şəhərinin 9 Eylül Universitetində, 2015-ci ildə Hindistanın Kocin şəhərinin Amrita hospitalında baş və boyun şişlərinin rekonstruksiyası və Koimbatur şəhərinin Qanqa Hospitalında mikrocərrahiyyə üzrə Beynəlxalq ixtisasartırma kurslarında olmuşdur.
Ailəlidir, 2 övladı var.
Elmi və cərrahi fəaliyyəti
1992-ci ildə "Ağız suyu vəzilərinin termoradioterapiyadan istifadə etməklə kombiəolunmuş mülicəsi" mövzusunda tibb elmləri namizidliyinə iddia olunan dissertasiyasını, 2005-ci ildə "Qırtlaq xərçənginin müalicə üsullarının optimallaşdırılmsı" mövzusunda tibb elmləri doktorluğuna iddia olunan dissertasiyasını uğurla müdafiə etmişdir.
Amerikanın, Avropanın, Asiyanın, MDB ölkələrinin və Azərbaycanın elmi-tibbi jurnallarında baş və boyun nahiyəsinin şişlərinə həsr olunmuş 80-dən çox elmi məqalələri dərc edilmiş və ümumilikdə 300-ə yaxın elmi işin müəllifidir. Müvafiq mütəxəssislər və tələbələr üçün nəzərdə tutulmuş "Рак гортани" (212 səh. – 1995), "Onkologiya" (460 səh. – 2010), "Baş-boyun şişləri" (433 səh. – 2012) kitblarının müəllifi və ya həmmüəlifidir.
N. M. Əmirəliyev dəfələrlə elmi konfranslarda (Azərbaycan, Rusiya, ABŞ, Ukrayna, Türkiyə, Kazaxstan, Belorus, Hindistan, Gürcüstan və s.) çıxış üçün dəvətlər almış və qeyd edilən konqreslərdə baş və boyun nahiyəsinin onkoloji xəstəliklərinin cərrahi müalicəsinə dair elmi məruzələr etmişdir.
Cərrahi fəaliyyət sahəsinə baş və boyun dərisinin, dodaqların, ağız suyu vəzilərinin, qalxanabənzər vəzin, ağız boşluğunun, ağız, burun və udlağın, qırtlağın şişlərinə görə bütün radikal cərrahi əməliyyatlar daxildir. Baş və boyun nahiyəsinin yerli-yayılmış şişlərinə görə aparılan cərrahi əməliyyatlardan sonra əmələ gələn geniş qüsurlarına görə aparılan rekonstruktiv-plastik əməliyyatlar, o cümlədən qırtlağın çıxarılmasından sonra səs protezlərinin qoyulması ölkədə ilk dəfə uğurla və müntəzəm şəkildə Namiq Əmirəliyev tərəfindən icra edilmişdir.
Elmi yenilikləri
Qırtlaq, ağız boşluğu, dəri, dodaq, qalxanabənzər vəzin xərçəngi olan xəstələrdə radikal cərrahi müalicənin effektivliyinə və həmin xəstələrin cərrahi reabilitasiyasına aid etdiyi elmi nailiyyətlər ölkədaxili və xaricində olan tibbi-elmi jurnallarda dərc olunmuşdur.
Rəhbərliyi altında baş və boyun nahiyəsinin müxtəlif lokalizasiyalı şişlərinin müalicəsinin cərrahi aspektlərinə həsr olunmuş fəlsəfə üzrə tibb doktoru adına iddia edilən 2 tədqiqat işi ("Qırtlaq xərçəngi zamanı boyun disseksiyaları" və "Qırtlaq xərçənginə görə larinqektomiya olunmuş xəstələrdə səs funksiyasının endoprotezlərdən istifadə etməklə reabilitasiyası") yerinə yetirilmiş, daha 3 tədqiqat işi ("Baş və boyun dərisinin yeli-yayılmış yastıhüceyrəli xərçəngi zamanı birmomentli rekonstruksiya və adyuvant müalicə", "Qırtlaq xərçəngi zamanı orqansaxlayıcı əməliyyatlar" və "Alt dodaq xərçənginin cərrahi müalicə taktikasının təkmilləşməsi") yekunlaşma mərhələsindədir.
Kitabları
- Onkologiya (Ə. T. Əmiraslanovun rəhbərliyi altında). Dərslik. Bakı, 1995; 460 səh.
- Рак гортани. Монография. Баку, 2002, 212 стр.
- Baş-boyun şişləri (A. Ə. Əmiraslanovun həmmüəllifliyi ilə). Dərslik. Bakı, 2012, 433 səh.
Elmi nəşrləri
1. Качество жизни ларингэктомированных больных после голосовой реабилитации с применением голосовых протезов. Журнал "Лiки Украини", 2014, № 2(9); стр. 42–43
2. Efficiency of cervical dissection in prevention of regional metastasis of patient suffering from larynx cancer. 5th World Congress of IFHNOS. New York city, July 26–30, 2014, p. 0301
3. Reconstructive-plastic surgery of in-situ spread recurrent cancer of head neck skin. 5th World Congress of IFHNOS. New York city, July 26–30, 2014, p. 0300
4. Лечение местнорапространенного первичного и рецидивного плоскоклеточного рака кожи головы и шеи. Журнал "Медицинские Новости". Белоруссия 2016, № 5, стр. 62–64
5. Результаты лечения местнораспростараненного базальноклеточного рака кожи головы и шеи с применением реконструктивно-пластической хирургии. Журнал "Лiки Украини", 2016, № 1(26); стр. 67–69
6. Burun dərisinin yerli-yayılmış xərçənginin rekonstruktiv-plastikcərrahiyyəsi. Azərbaycan Tibb Jurnalı, 2016, № 2, səh. 129–132
7. Baş və boyun dərisinin xərçənginin rekonstruktiv-plastik cərrahiyyəsi. Azərbaycan Təbabətinin Müasir Nailiyyətləri Jurnalı, 2016, № 4, səh. 82–85
8. Трахеостомия при лечении больных раком головы и шеи. Azərbaycan Xalq Cumhuriyyətinin 100 illiyinə həsr olunmuş otorinolarinqologiya üzrə Beynəlxalq Elmi-Praktiki Konqres. Bakı, 2018, səh. 24
9. The study of the informatioveness and dignostic value of some cytokiness and antrmicrabial peptides in thyroid cancer. İnternational Scientific Journal Theoretical Applied Science, 2018; 10(66), 301–306
10. Qırtlaq xərçənginin orqansaxlayıcı cərrahi müalicə metodları. Zərbaycan Onkologiyası jurnalı, 2018; № 2, səh.76–77
11. Central neck dissection for thyroid cancer. VI Eurasian Head & Neck cancer forum. Moscow, 2019, 11–14 July, p.3
12. The Azeri Version of European Organization for Research and Treatment of Cancer Core Quality of Life Questionnaire (EORTC QLQ-C30): Translation and Validation. Asian Pac Y. Cancer Prev., 2020; 21(1), p. 267–265
13. Psychometric evaluation of Azeri version of the head and neck cancer specific quality of life questionnaire (EORTC QLQ-H&N43). Health and quality of life outcomes, 2020, 18(248), p. 1–7
14. Pedunculated supraclavicular fasciocutaneous flap for reconstruction of post-laryngectomy pharyngostomas. Georgian Medical News, 2022, 10(331), p. 89–91
15. Regional flaps in reconstruction of soft tissue defects after radical surgery for oral cancer. Theoretical & Applied Science, 2023; 120(4), p. 161–165
16. Üz-çənə nahiyəsinin yerli-yayılmış şişlərinə görə aparılmış cərrahi əməliyyatdan sonra əmələ gələn qüsurların ekonstruksiyasının funksional və estetik nəticələri. Azərbaycan Təbabətinin Müasir Nailiyyətləri, 2023, № 1, səh. 33–36
17. Üz-çənə nahiyəsinin yerli-yayılmış şişlərinin rekonstruktiv cərrahiyyəsində yerli ağırlaşmaların tədqiqi. Zərifə Əliyevanın 100 illik yubileyinə həsr olunmuş Beynəlxalq Elmi-praktik konfrans, 2023, səh. 25–29
18. Virtual surgical planing in soft tissue reconstruktion fr oral cancer. Siberian Journal of Oncology, 2023; 22(6), səh. 121–129
19. Лоскут Карапандзика для реконструкции дефекта нижней губы. Клинический случай. Журнал Наука и Здравоохранения, Казахстан, 2023, 4(24), стр. 270–273
20. Alt dodaq xərçənginin müalicəsinin müasir nailiyyətləri. Azərbaycan Təbabətinin müasir nailiyyətləri, 2022, № 3, səh. 204–207
21. Alt dodaq xərçəngi zamanı proqnostik amillər və byun disseksiyaları. Sağlamlıq jurnalı, 2022, № 3, səh. 7–10
22. Alt dodaq xərçəgi zamanı proqnostik amillər və boyun disseksiyaları. Sağlamlıq jurnalı, 2022, № 3, səh. 7–10
23. Надключичный кожно-фасциальный лоскут в реконструкции опухолевых дефектов кожи челюсно-лицевой области. Journal Medicine and Craniofacial Research. 2022; № 1; səh. 6–9
24. Трансоральная лазерная хирругия при раке гортани. Казахстан 2023, 5(25), стр. 78–82