Naharin (nhrn) — Yeni Misir padşahlığının XVIII sülaləsi dövründə Mitanni dövlətini təsvir etmək üçün istifadə edilən qədim Misir termini idi. XVIII sülalə I Tutmos,III Tutmos və dövründən Levanta nəzarət etmək üçün Mitanni dövləti ilə münaqişədə idi. II Amenhotepin oğlu nəticədə Mitanni ilə sülh bağlayacaqdı. Bundan sonra Misir və Naharin (Mitanni) arasında münasibətlər Amarna arxivinin yazışmalarına əsasən çoxlu diplomatik hədiyyələr verilməsi ilə sülh yolu ilə davam etmişdir. Firon III Tutmosun hərbi salnaməsində Naharinə açıq şəkildə istinad edilir. III Tutmosun 33-cü ilində qeyd edilmişdir:

Əlahəzrət şəhərləri tutmaq və düşmən Naharinin yaşayış məntəqələrini viran qoymaq üçün şimala getmişdir.

İlkin olaraq e.ə. XV əsrdə Karnak məbəd kompleksində ucaldılmış və indi İstanbulda saxlanılan obeliskin iki üzündəki yazılarda da III Tutmosun Misirin sərhədlərini Naharinə (Mitanni) qədər genişləndirməsi və yürüş etməsi qeyd olunur.