Nəslişah Sultan 25 dekabr 1925-ci ildə - Osmanlı səltənətinin ləğvindən 3 il sonra Budapeştdə dünyaya gəldi. Atası Sultan Əbdülhəmidin oğlu Əbdülqadir Əfəndi, anası isə onun dördüncü xanımı Fatma Məziyət xanımdır. Gənclik illəri ailəsiylə birlikdə sürgündə keçən Nəslişah Sultan və ailəsi İkinci Dünya müharibəsinin başlamasının ardından 1940-cı ildə Sofiyaya köçdü. Daha sonra Nitsada və Parisdə yaşayan Nəslişah Sultan burada bibisi Ayşə Sultanla yaşadı.

Ardından Qahirəyə köçən Nəslişah Sultan burada 1953-cü ildə Avni Reda ilə evləndi. 1952-ci ildə çıxan və Osmanlı sülaləsinin yalnız xanım üzvlərinə aid edilən əfv qanunuyla Türkiyəyə qayıdan Nəslişah Sultan burada 1969-cu ildə boşandı və uzaq qohumu olan Şükriyə Sultanın ölümüylə dul qalan əri Mehmed Şəfiq Ziya bəylə (d. 1894 - ö. 1980) evləndi. Ancaq çox keçmədən ərinin vəfatıyla dul qaldı.

İstanbulda yaşadığı illərdə Osmanlı sülaləsinin digər üzvləriylə yaxın əlaqə quran Nəslişah Sultan, 2 aprel 2000-ci ildə Mihrimah Sultanın, 2 aprel 2012-ci ildə isə adaşı və uzaq qohumu olan Nəslişah Sultanın cənazə mərasimlərinə qatıldı. 30 may 2014-cü ildə İstanbulda vəfat edən Nəslişah Sultan Qaracaəhməd məzarlığında anasının yanına dəfn edildi.

• Saleh Reda (d. 1954, Qahirə)
• Ömər Reda (d. 1959, Qahirə) — 27 iyul 1995-ci ildə Ceylan Fəthiyə Palay (d. 1971) ilə evləndi.
  • Məziyət Dilarə Reda (d. 1998)
  • Nəslişah Reda (d. 2000)

• Adra, Jamil (2005). p. 32
• Bardakçı, Murat (2017). Neslishah: The Last Ottoman Princess. Oxford University Press. ISBN 978-9-774-16837-6
• Kırpık, Cevdet (2011). . OTAM (in Turkish)
• Vâsıb, Ali; Osmanoğlu, Osman Selaheddin (2004). Bir şehzadenin hâtırâtı: vatan ve menfâda gördüklerim ve işittiklerim. YKY. p. 441. ISBN 978-9-750-80878-4
• Talu, Ercüment Ekrem; Şakir, Ziya (2005). Şehzade Yusuf İzzedin öldürüldü mü, intihar mı etti?. Selis. p. 16. ISBN 978-9-758-72447-5
• İbrahim Pazan (2009). Son saraylı: Şehzade Osman Ertuğrul Efendi. Babıali Kültür Yayıncılığı. p. 85. ISBN 978-9944-118-94-1