Nəbi Surxay oğlu Zeynalov (1 fevral 1975, Daşkənd, Vardenis rayonu – 31 iyul 1993, Ağdərə, Tərtər rayonu) — Azərbaycan ordusunun əsgəri, Birinci Qarabağ müharibəsi şəhidi.
Nəbi Zeynalov | |
---|---|
Nəbi Surхay оğlu Zеynalоv | |
Şəxsi məlumatlar | |
Doğum tarixi | 1 fevral 1975 |
Doğum yeri | |
Vəfat tarixi | 31 iyul 1993 (18 yaşında) |
Vəfat yeri | |
Dəfn yeri | |
Vətəndaşlığı | |
Hərbi fəaliyyəti | |
Rütbəsi | əsgər |
Həyatı
Nəbi Zeynalov 1 fevral 1975-ci ildə Göyçə mahalının Daşkənd kəndində anadan olmuşdur. 1982-ci ildə Daşkənd kənd orta məktəbinin I sinfinə getmişdir. 1992-ci ildə Quşçu kənd orta məktəbini bitirmişdir.
1988-ci ildə ermənilərin məkirli siyasəti nəticəsində doğma yurdundan ailəsi ilə birlikdə indiki Göygöl rayonunun Quşçu kəndində məskunlaşmışdır.
Hərbi xidməti
Nəbi Zeynalov 1993-cü ildə Xanlar (indiki Göygöl) rayon Hərbi Komisarlığı tərəfindən hərbi xidmətə çağırılmışdır. 1993-cü il iyul ayının 31-də Ağdərə bölgəsində gedən döyüş əməliyyatı zamanı şəhid olmuşdur.
Məzarı Göygöl rayonunun Quşçu kəndindədir.
Xatirəsi
1996-cı ildən Göygöl rayonunun Quşçu Kənd Folklor Evi şəhid Nəbi Zeynalovun adını daşıyır.
İstinadlar
- // Azərbaycan Respublikası Xatirə Kitabı (20 cilddə).
- Yaquboğlu, Araz. (PDF) (az.). Bakı: Elm və təhsil. 2023. səh. 262. ISBN 978-9952-568-22-6.
Ədəbiyyat
- "Sərhəd" qəzeti, 27 iyul 1994-cü il. , ("Kəpəz ona lay-lay deyir" məqaləsi)
- Qocaman Qocamanov "Göyçə mahalında, Daşkənd elində" "Nurlan" nəşriyyatı-2007. səh. 23–24
- . "Vətən həsrətində, el firqətində" Hərbi nəşriyyat-2009, ("Ay Nəbi" şeiri) səh.209–210
- Araz Yaquboğlu, "", Bakı, "Elm və təhsil", 2012.