Mukor sporlama yolu ilə çoxalır. Göbələyin uc hissəsində kürə formasında olan sporangilər vardır ki, bu da yetişdiyi zaman partlayır və yeni mukorlar əmələ gəlir. Bu proses başlıqların (sporangilərin) qaraldığı zaman baş verir. Mukorun əsas xüsüsiyyəti ondadır ki, o, təkhüceyrəli və çoxnüvəli bir göbələkdir.

Mukorlar sırası 360-dan artıq növü cəmləyir. Sıranın ən geniş yayılmış qruplarından biri . Əsasən, saprotrof həyat tərzi keçirirlər. Onlara nadir hallarda papaqlı göbələklər üzərində rast gəlinir. Mukor göbələkləri torpaqda zülal və digər azotlu birləşmələrin parçalanmasında iştirak edir. Mukor da cinsi çoxalma xarici görünüşü ilə eyni, lakin cinsi əlaməti ilə müxtəlif olan mitseliləri görüşdükdə baş verir. Ziqot və ondan əmələ gələn mitseli diploiddir. Bundan reduksion bölünmə yolu ilə əmələ gələn sporlar və inkişaf edən mitselilər haploiddir. Mukorların təbiətdə və insan həyatında müəyyən əhəmiyyəti vardır . Mukorlar torpaqda külli miqdarda çoxalaraq oradakı üzvi maddələrin dövranında iştirak edirlər . Meyvə , tərəvəz və digər məhsulların üzərində inkişaf edərək onlara böyük ziyan vururlar . Bəziləri isə quşlarda, məməli heyvanlarda və hətta insanların eşitmə orqanlarında və bronxlarda inkişaf edərək ağır xəstəlikləri əmələ gətirir.

• zygomycetes.org saytında (ing.)
•  (rus.)