Muğan Gəncəli - Haqqinda Melumat

Muğan Gəncəli
Muğan Gəncəli
	39°42′53″ şm. e. 48°57′03″ ş. u.
Ölkə	Azərbaycan
Rayon	Sabirabad rayonu
Tarixi və coğrafiyası
Saat qurşağı	UTC+04:00;
	Xəritəni göstər/gizlə Muğan Gəncəli

Muğan Gəncəli — Azərbaycan Respublikasının Sabirabad rayonunun inzibati ərazi vahidində kənd.

Muğan Gəncəli kəndi Kür çayı sahilində yerləşir. Kənd bir növ yarımadanı xatırladır. Üç tərəfindən Kür çayı ilə əhatə olunub. Bu hissə yerlilər tərəfindən Bucaq adlanır. Qalan hissə isə Bülbülə adlanır. Çayın kəndi əhatə etməsi qədimdə insanların burada yerləşmə səbəblərindən biri kimi qiymətləndirilir. Qədim qəbristanlığı var. Məzarlığın orta hissəsində Məşhur Seyid Mirağababanın məzar-ziyarətgahı yerləşir. Kəndin yaranma tarixi XV-XVI əsrlərə aid edilir.^{[mənbə göstərin]}

Qonşu kəndlər: Salmanlı, Çiçəkli, Cəngən.

Coğrafiyası və iqlimi

Kənd Kür çayı yaxınlığında yerləşir. Kəndin qədim yeri "Bücağ" adlanır (üç tərəfdən çayla əhatə olunduğu üçün). Biraz yeni salınan hissəsi "Bülbülə" adlanır. Çaydaşqınları zamanı Bucağdakı evlər və torpaqlar əkin sahələri tez-tez su altında qalır. Yayı isti, qışı mülayim-soyuq keçir. Ərazisi düzənlikdir və dəniz səviyyəsindən 19 metr aşağıdadır. Yayı quraq keçən mülayim isti yarımsəhra və quru çöl iqliminə malikdir. Orta temperatur yanvarda 1,8 C, iyulda 36,5 C-dir. İllik yağıntı təqribən 300 mm-dir. Əsas çayı Kürdür. Əsasən, boz-çəmən torpaqları yayılmışdır. Yarım-səhra bitkiləri üstünlük təşkil edir. Kür çayı sahilində tuqay meşələri mövcuddur. Muğangəncəli pambıqçılıq, taxılçılıq, heyvandarlıq və bostançılıq kəndidir.^{[mənbə göstərin]}

Əhalisi

Əhalisi XVIII əsrdə Gəncədən köçənlərdən ibarətdir. Cənubi Azərbaycanlı mənşəlilər də var. İndi yerli əhali sayılır. Özlərinə məxsus şirin ləhçələri var. Qədim, zəhmətkeş qonaqpərvər zarafatçıl camaatı var.^{[mənbə göstərin]}

İqtisadiyyatı

Əsasən maldarlıq və balıqçılıqla məşğul olan yerli əhali, kənd təsərüffatı və əkinçiliklə də məşğul olur. 1996-cı ilə kimi pambıqçılıqla məşğul idilərsə ,son 20 ildə yonca qarpız, yemiş, taxıl əkirlər. Kəndin əsas problemi yol idi, 2018-ci ildə yol yeniləndi. Elektrik dirəyləri və şəbəkəsi 1954-cü ildən çəkiləndir, əksəriyyəti sıradan çıxıb. Qaz 2016-cı ildən verilir.^{[mənbə göstərin]}

Milli Qəhrəman şəhid Murad Mirzəyev Telman oğlu bu kənddə doğulub.

Şəhidlər

Soyad.Ad.Ata adı	Doğum tarixi	Ölüm tarixi	Vəfat yeri
Azərbaycanın Milli Qəhrəmanı Mirzəyev Murad Telman oğlu	31 mart 1976	2 aprel 2016	Talış,Tərtər rayonu, Azərbaycan
Nağıyev Şaiq Zülfüqar oğlu	5 may 1975	27 iyun 1997	Qazax Azərbaycan
Həsənov Vüqar Telman oğlu (itkin)	21 aprel 1973	6 iyun 1993	Füzuli Azərbaycan
Səfərov Təvəkkül İlyas oğlu	14 iyul 1956	3 sentyabr 1992	Füzuli Azərbaycan

İstinadlar

. 2022-03-28 tarixində . İstifadə tarixi: 2019-07-28.
. 2020-01-29 tarixində arxivləşdirilib. İstifadə tarixi: 2020-03-13.

[issuu.com-1] . 2022-03-28 tarixində . İstifadə tarixi: 2019-07-28.

[youthsport.az-2] . 2020-01-29 tarixində arxivləşdirilib. İstifadə tarixi: 2020-03-13.