"Moskva" — Rusiya qvardiya raket kreyseri, 1164 "Atlant" layihəsinin baş gəmisi. Nikolayev şəhərində 61 Kommunar adına Gəmiqayırma Zavodunda tikilib, əvvəlcə "Slava" adını almışdır. O, Gürcüstanda (2008), Krımda (2014) , Suriyada (2015) və Ukraynada (2022) hərbi münaqişələrdə iştirak edib.

"Moskva" raket kreyseri
rus. Ракетный крейсер «Москва»
"Moskva" raket kreyseri 2012-ci ildə
Mənşə ölkə	SSRİ
Təşkilat	Qara dəniz donanması
İnşasının başlanma tarixi	5 noyabr 1976-cı il
Salınma tarixi	27 iyul 1979-cu il
İstismara verilmə tarixi	30 dekabr 1982
Batma tarixi	14 aprel 2022-ci il
İstehsalçı	61 kommunara adlı Gəmiqayırma Zavodu
İstehsal yeri	Mikolayev
Şərəfinə adlandırılıb	Moskva
Növü	raket kreyseri
İştirak etdiyi döyüşlər	Rusiyanın Ukraynanı işğalı (2022), Rusiya Federasiyasının Krımı ilhaq etməsi, Rusiyanın Suriyaya hərbi müdaxiləsi, Rusiya–Gürcüstan müharibəsi, İlan adası döyüşü
Sərnişin tutumu	510 insan, 680 insan
Sürəti	32 düyün (tam)
Uzunluğu	186,5 m
Eni	20,8 m
Hündürlüyü	42,5 m
Kütləsi	11.280 t
Su sıxışdırması	11 490 ton (tam)
Tərsanə nömrəsi	2008
Vikianbarda əlaqəli mediafayllar

24 fevral 2022-ci ildə Ukraynaya Rusiya işğalı zamanı gəmi Zmeynıy adasının ələ keçirilməsində iştirak edib. Ukrayna hökumətinin nümayəndələrinin iddiasına görə, məhz "Moskva" raket kreyserinin ünvanına "Rus döyüş gəmisi, s***** get" ifadəsi səsləndirilib.

2022-ci il aprelin 13-dən 14-nə keçən gecə baş vermiş yanğın və partlayış nəticəsində gəmiyə ciddi ziyan dəyib. Ukrayna hakimiyyət orqanlarının nümayəndələri bəyan ediblər ki, gəmi iki "Neptun" gəmi əleyhinə raketi ilə hücuma məruz qalıb . Aprelin 14 — də Rusiya Müdafiə Nazirliyi bildirib ki, kreyser fırtınalı şəraitdə limana çəkilərkən yanğın zamanı döyüş sursatların partlaması nəticəsində korpusa ziyan dəydiyi üçün batıb.

"Moskva" raket kreyserinin batması Ukrayna ilə müharibədə Rusiyanın ən bahalı hərbi itkisi olub. Təxminən 2 milyard dollar ilkin dəyəri ilə kreyserin qalıq dəyəri 750 milyon dollar idi.