Miyakocima Mamoru-kun (宮古島まもる君?) və ya qısaca Mamoru-kun – Yaponiyanın Okinava prefekturasına daxil olan yol təhlükəsizliyini təbliğ etmək üçün quraşdırılmış polis məmuru formasındakı fiqurlar. "Mamoru" sözü yapon dilindən tərcümədə "qorumaq" deməkdir.
Xüsusiyyətlər
Miyakocimanın yerli hakimiyyəti 1990-cı illərdə yol təhlükəsizliyini təbliğ etmək üçün yeni metoddan istifadə etməyə qərar vermiş və adanın müxtəlif yerlərindəki yollarda beş ədəd Mamoru-kun fiquru quraşdırmışdır. Mamoru-kunun rəsmi doğum tarixi 5 avqust 1991-ci il və boyu 180 santimetrdir. O, Miyakocima Təhlükəsizlik Assosiasiyasının üzvü və Miyakocima Polis Nəqliyyatı Diviziyasının məmurudur. 2012-ci ildə keçirilmiş tədbir zamanı şəhərin meri Mamoru-kuna xüsusi iqamətgah icazəsi vermişdir.
İndiyə qədər Miyakocima şəhərində 21 Mamoru-kun fiquru quraşdırılmışdır. Miyako adasında 17, İrabu adasında 2, Şimoci və Tarama adalarının hərəsində 1 belə fiqur yerləşir. 2011-ci ildə Miyakocima polis məntəqəsində quraşdırılmış Maruko-çan yeganə qadın fiqurdur və digərlərindən fərqli olaraq qırmızı formada təsvir olunmuşdur. Hər Mamoru-kun fiqurunun öz adı var:
- Susumu-kun
- Koci-kun
- Mitsuo-kun
- Toşio-kun
- Mamoru-kun
- Maruko-çan
- Hitoşi-kun
- İtaru-kun
- Ryozo-kun
- Masakatsu-kun
- Kazuki-kun
- Tetsuya-kun
- Kiyoşi-kun
- Atsuşi-kun
- Takuma-kun
- İzuru-kun
- İsao-kun
- Takaya-kun
- Cunki-kun
- Masao-kun
- Tsuyoşi-kun
Populyarlıq
Mamoru-kun fiqurları əvvəlcə "ətürpəşdirici" hesab edilsə də, son illərdə populyarlıq qazanmağa başlamışdır. Miyakocima şəhərində Mamoru-kuna həsr olunmuş içkilər, şirniyyatlar və telefon aksessuarları satılır. Turistlər üçün Mamoru-kun fiqurlarını göstərən xüsusi xəritədə və içərisində "Miyakocima Mamoru-kunun mahnısı" olan CD hazırlanmışdır.
İstinadlar
- ↑ . Atlas Obscura. 25 iyul 2023. 26 iyul 2023 tarixində . İstifadə tarixi: 26 iyul 2023.
- ↑ . Zekkei Japan (ingiliscə). 23 yanvar 2019. 2023-07-29 tarixində . İstifadə tarixi: 2023-07-26.