Mirzə Süleyman Şirazi

Hacı Mirzə Süleyman Məhəmmədkazım oğlu Şirazi (1839, Şiraz – 1914, İsfahan) — şair.

Mirzə Süleyman Şirazi
Doğum tarixi	1839
Doğum yeri	Şiraz, Mərkəzi bəxşi[d], Şiraz şəhristanı, Fars ostanı, İran
Vəfat tarixi	1914
Vəfat yeri	İsfahan, Mərkəzi bəxşi[d], İsfahan şəhristanı, İsfahan ostanı, İran
Fəaliyyəti	siyasətçi, yazıçı

Həyatı

Hacı Mirzə Süleyman Məhəmmədkazım oğlu 1838-ci ildə Şiraz şəhərində anadan olmuşdu. O, ata tərəfdən Xələf bəy Süfrəçinin nəslindəndir. Mükəmməl mədrəsə təhsili almışdı. Rüknülmülk ləqəbini daşıyırdı. İsfahan şəhəri hakiminin müavini vəzifəsində çalışmışdı. Onun babalarından olan İmamverdi bəy Xələfbəyi 1682-ci ildə Şirazda məscid təmir etdirmişdi.

Mirzə Süleyman Şirazi şair və ədib idi. Xələf təxəllüsü ilə şeirlər yazırdı. Xoşrəftar və mehriban bir şəxsiyyət idi. Alimlərə həddən çox ehtiram edirdi. Onun yaradıcılıq fəaliyyətində xəttatlıq sənətinin ayrıca yeri var.

Mirzə Süleyman Şirazi bir çox İsfahan müctəhid və ülamaları ilə birlikdə Məşrutə hərəkətına qatılmışdı.

Mirzə Süleyman Şirazi binadan qurucu bir şəxsiyyət idi. O, İsfahanda "Rüknülmülk" adlı məscid tikdirmişdi.

Mirzə Süleyman Şirazi 1914-cü ildə İsfahanda vəfat edib. Məscidi-Rüknülmülkdə dəfn edilib.

Həmçinin bax

• Xələf bəy Süfrəçi