İsfahanda doğulmuşdur, ixtisası memarlıq idi. 1503-cü ildə İsfahan hakimi Durmuş xan Şamlının şəxsi vəziri olmuşdur. 1514-cü ildə Çaldıran döyüşündə şahın həyat yoldaşını tapdığı üçün Şah İsmayılın vəkilliyinə gətirilmişdir. Şah İsmayılın hakimiyyətinin son dövrlərində təsiri artdı və saray çəkişmələrində iştirak etməyə başladı. 1521-ci ildə Durmuş xan Şamlının Herata göndərilməsinə nail olmuşdu. Qızılbaş əyanlarına təzyiq göstərməsi və şahın üzərindəki təsiri səbəbi ilə 1523-cü ilin apreli qızılbaşlar tərəfindən öldürülmüşdür. Yerinə gələn Cəlaləddin Təbrizi onun haqqında bu rübaini yazmışdı:

Ey ki, gözümə ziya olan bir əyyam,
Getdin və günüm qaraldı, oldu axşam.
Sanki ikimiz iki şam idik birgə,
Söndürdü dövr səni, mən isə yanıram