Məni məhbus edəni görüm aləmdə xar olsun,
Onun da könül evi mənimki tək tar-mar olsun.
Yetişməsin kamına heç bilməsin eşqin dadını,
Sevdiyi sevgilisi özgələrə yar olsun.

O, bimürvət saldı bir quru böhtanə məni ,
Məndən artıq demirım ,Mənlə bərabər olsun.
Özü çəkdikcə bilər başqa cavanlar nə çəkir,
Etdiyi zülmlər qoy ona aşkar olsun.

Baxıban pəncərədən yarını əğyar ilə görsün,
Qana dönsün ciyəri gözləri ağlar olsun.
Qapısı, pəncərəsi bağlı qalsın həmişə,
Ürəyi, ömrü boyu qüsseyi qubar olsun.

Möhtac qalıb köməyə Yusifi-Kənanı çağırsın,
Hə Xudadan, nə İmamdan ona bir kam olsun.
Mirsədiyəm qarğamaram özgə bəlaya onu Mən,
Xoş günü zindan evi , dar günü məzar olsun.