1993-cü ildə Ermənistan Respublikası Silahlı Qüvvələri tərəfindən işğal edilib 2020-ci ilin 23 oktyabırında Azərbaycan Silahlı Qüvvələri tərəfindən işğaldan azad edilmişdir.

19-cu əsrdə kənd Köhnəqışlaq ərazisində bir neçə oymaqdan (düşərgədən) ibarət idi. Sonralar əhali Parayataq adlanan bu ərazidə məskunlaşıb. Kənddə iki nəsil yaşayırdı: minbaşılılar və cəfəralılar.

Sovet hakimiyyəti illərində kənd Azərbaycan SSR Cəbrayıl rayonunun eyniadlı kənd sovetinin tərkibində olub. Kənddə orta məktəb, kitabxana, mədəniyyət evi, tibb məntəqəsi var idi.

Birinci Qarabağ müharibəsi nəticəsində 1993-cü ilin avqustunda tanınmamış Dağlıq Qarabağ Respublikasının nəzarətinə keçib və onun inzibati-ərazi bölgüsünə görə Hadrut rayonunun tərkibində olub. 2020-ci il oktyabrın 23-də Azərbaycan prezidenti İlham Əliyev “Azərbaycan ordusunun Minbaşılı kəndini işğaldan azad etdiyini” bəyan edib. Həmin gün Azərbaycan Müdafiə Nazirliyi Azərbaycanın nəzarəti altında olan Minbaşılı kəndini əks etdirən videogörüntülər dərc edib.

Düzənlikdədir. XIX əsrdə kənd Köhnəqışlaq adlandırılan sahədə bir neçə oymaqdan ibarət olmuşdur. Sonralar Parayataq adlı indiki yerə köçmüşdür. Kənddə iki nəsil vardlr: minbaşılılar ve cəfəralılar. Kənd minbaşılı nəslinin adını daşıyır.

Azərbaycan SSR (AzNHU) Xalq Təsərrüfatı İdarəsi tərəfindən 1933-cü ildə hazırlanmış “ASSR-in inzibati bölgüsü” nəşrinin 1933-cü il yanvarın 1-nə olan məlumata görə, Azərbaycan SSR Cəbrayıl rayonunun Daşveysəlli kənd sovetinin tərkibində olan Minbaşılı kəndində 45 təsərrüfat və 237 nəfər sakin yaşayırdı. Kənd sovetinin bütün əhalisi azərbaycanlılar (mənbədə “türklər”) idi. 1981-ci ildə kənddə 235 nəfər yaşayırdı. Kənd əhalisi heyvandarlıq, buğda əkini, üzümçülük və ipəkçiliklə məşğul olurdu.

Əsas təsərrüfatı heyvandarlıq idi.

• Cəbrayıl rayonu
• İskəndər bəy Minbaşıyev-xeyriyyəçi