1956-cı ildə Cənubi Azərbaycanda Əbhər şəhərində anadan olmuşdur.

Həyat yoldaşı da siyasi aktivist olmuş və İran İslam Respublikası tərəfindən cütlüyün məxsusi olaraq evlilik ildönümü tarixində edam edilmişdir. Bu hadisə Mina Əhədinin edam hökmünə qarşı sonrakı mübarizəsinin əsas motivasiya qaynağı olmuşdur.

O, hal-hazırda Almaniyada yaşayır və işləyir. 2 qız övladı vardır.

Mina Əhədi inanc əsaslı qanunlar sisteminə qarşıdır və bütün vətəndaşların bərabər olacağı hüquq sistemini dəstəkləyir. Bundan əlavə Mina Əhədi Edam Əleyhinə Beynəlxalq Komitənin və Daşlama (Rəcm) Əleyhinə Komitənin əsas simasıdır. O, həmçinin Almaniya Keçmiş Müsəlman Mərkəzi Şurasının əsas qurucusudur. Bu təşkilatın əsas məqsədi İslamdan imtina etmiş şəxslərə arşı olan düşüncənin dəyişməsi üçün mübarizə aparır.

Son dövrlərdəki ən böyük fəaliyyəti Nazənin Fatehinin İranda azadlığa buraxılmasına nail olmuşdur. Keçmiş Müsəlmanlar Mərkəzi Şurasındakı fəaliyyətinə görə İran islam Respublikası mərkəzi qüvvələr tərəfindən dəfələrlə ölümlə təhdid edilmişdir. Buna görə də ictimai yerlərdə yalnız polis qoruması ilə olur.

2007-ci ilin 20 oktyabrında İlin Dünyəvisi mükafatı ilə təltif edilmişdir. Onu bu mükafata Birləşmiş Krallıq Sekulyarizm Cəmiyyəti layiq görmüşdür.