Mihel Qodfrid Eman (1 sentyabr 1961, Oranjestad) — 2009–2017-ci illərdə Arubanın 3-cü Baş naziri vəzifəsində çalışmış arubalı siyasətçidir. Onun siyasi karyerası 2001-ci ildə başlayıb, lakin Eman uşaqlıqdan bu və ya digər şəkildə siyasətlə məşğul olub. Babası, atası və qardaşı sağlığında görkəmli siyasətçilər olublar, Henny Eman 1986-cı ildə Arubanın müstəqilliyini elan etdikdən sonra bu vəzifəni tutan ilk şəxs olmaqla yanaşı iki dəfə Baş nazir vəzifəsini icra etmişdir.
| Mihel Eman | |
|---|---|
| nid. Mike Eman | |
 | |
| Şəxsi məlumatlar | |
| Doğum tarixi | 1 sentyabr 1961 (63 yaş) |
| Doğum yeri | |
| Fəaliyyəti | siyasətçi |
 Vikianbarda əlaqəli mediafayllar | |
Eman Hollandiya Antilləri Universitetinin (UNA) məzunudur, 1992-ci ildə "Kiçik İcmada Ədliyyə naziri qarşısında Baş Prokurorluq İnstitutunun mövqeyi" adlı dissertasiya işi ilə hüquq dərəcəsini qazanmışdır. 1996-cı ildə həmin universitetdə "Mülki notariat hüququ" ixtisası üzrə təhsil almışdır.
1992-ci ildən 2001-ci ilə qədər Eman mülki hüquq üzrə notarius müavini vəzifəsində çalışmış və bir neçə özəl kommersiya müəssisələrinin və siyasi tədqiqatlar üzrə fondların həmtəsisçisi olmuşdur.
Rəsmi siyasi karyerasına 2001-ci ilin sentyabrında AVP siyahısında 3-cü yeri tutaraq başladı. 2001-ci il seçkiləri AVP-nin xeyrinə olmadı və partiyanın parlamentdə 4 yer itirməsinə səbəb oldu. Bu, AVP lideri Tiko Kroesin vəzifəsindən əl çəkməsi ilə nəticələnmişdir. Rəhbərlik keçmiş ədliyyə naziri Pedro E. (Eddie) Cruz-a verilmişdir. Mike Eman partiyanın vitse-prezidenti və parlamentdəki müxalifət azlığının lideri olmuş, daha sonra Eman 2003-cü ildə partiyanın lideri seçilmişdir. 2009-cu il seçkilərindən sonra AVP yenidən 2 mandat qazanmış, Emanın hissəsi beləliklə parlamentdə çoxluq partiyası olmuşdur.
Emanın ilk kabineti 30 oktyabr 2009-cu ildə, partiyasının 2013 seçkilərində qəti qələbəsindən sonra and içmiş; ikinci kabineti 30 oktyabr 2013-cü ildə and içmişdir.
2017-ci ildə Sunrise Solar Parkının müqaviləsinin imzalanması zamanı dedi: "Aruba dünyaya sübut etdi ki, biz ölçü baxımından məhdud olsaq da, bizim böyük arzularımız və mühüm məqsədlərimiz ola bilər. Ola bilsin ki, bizə quraq torpaq miras qalıb, amma bizə bol günəş və külək miras qalıb ki, biz bunu enerjiyə çevirərək cəmiyyətimizi rifah halına gətiririk. Biz bu hədiyyələri adamızı 2020-ci ilə qədər tamamilə dayanıqlı etmək üçün bir vizyona çevirdik."
2017-ci il ümumi seçkilərindən sonra Emanın partiyası Aruba parlamentindəki çoxluğu itirdi. Eman daha sonra partiya lideri vəzifəsindən istefa verəcəyini və qarşıdan gələn parlamentdə yer tutmayacağını açıqlamışdır.
İstinadlar
- 2 oktyabr 2014 tarixindən Wayback Machine saytında. Harvard Kennedy School Retrieved 2013-12-17
- 12 sentyabr 2024 tarixindən Wayback Machine saytında (in Dutch). Government of Aruba. Retrieved 9 November 2016.
- . RMI. Retrieved 2024-04-14.
- (in Dutch). Caribisch Netwerk NTR. 23 September 2017. Archived from on 8 October 2017.
- Ariën Rasmijn (26 September 2017). Caribisch Netwerk NTR. Archived from on 8 October 2017.