Konstantin Nikolayeviç Boçarov (ukr. Костянти́н Микола́йович Бочаро́в, rus. Константи́н Никола́евич Бочаро́в; d. 11 aprel 1997, Odessa, Ukrayna) və ya səhnə adı ilə MelovinUkrayna müğənnisi və bəstəkarı. O, Ukraynada X Factor musiqi yarışmasındakı qalibiyyəti ilə şöhrət qazanmışdır.

Melovin
ukr. Костянтин Миколайович Бочаров
Ümumi məlumatlar
Doğum adı Konstantin Nikolayeviç Boçarov
ukr. Костянти́н Микола́йович Бочаро́в
Ləqəbi Melovin
Doğum tarixi (26 yaş)
Doğum yeri Odessa, Ukrayna
Vətəndaşlığı  Ukrayna
Musiqiçi məlumatları
Fəaliyyəti müğənni, bəstəkar
Fəaliyyət illəri 2015– h.h.
Janr Elektropop
Musiqi aləti vokal
Səs tembri tenor
Vikianbarın loqosu Vikianbarda əlaqəli mediafayllar

Melovin "Under the Ladder" mahnısı ilə Ukraynanı 2018 Avroviziya Mahnı Müsabiqəsində təmsil etmişdir.

Həyatı

Kostyantın Mıkolayovıç Boçarov 11 aprel 1997-ci ildə Ukraynanın Odessa şəhərində, Nikolay Boçarov və Valentina Boçarovanın ailəsində anadan olmuşdur. Uşaq yaşlarından musiqi ilə maraqlanan Boçarov ilkin olaraq təhsil aldığı məktəbdə keçirilən konsert proqramlarında çıxış etmişdir. O, daha musiqi məktəbinə daxil olmuş, lakin orada təhsilini başa çatdıra bilməmişdir. Ardıcıl olaraq, teatr məktəbinə daxil olmuş və orada təhsilini uğurla yekunlaşdırmışdır.

Karyerası

2015–2016: X-Factor Ukraine

Boçarov üç dəfə Ukraynada keçirilən X Factor musiqi yarışmasının dinləmələrinə qatılsa da, lakin yarışmada heç bir uğur qazana bilməmişdir. 2015-ci ildə ifaçı bir daha yarışmanın ilkin dinləmələrinə qatılmış və bu dəfə növbəti mərhələyə vəsiqə qazana bilmişdir. Yarışma ərzində göstərdiyi yüksək səviyyəli performanslar sayəsində Boçarov finala yüksəlməyə nail olmuş və nəticədə yarışmanın qalibi elan edilmişdir. Yarışmanın ardınca o, digər finalçılar ilə birlikdə Ukrayna turu çərçivəsində müxtəlif bölgələrdə konsert proqramlarında çıxış etmişdir. 2016-cı ildə onun "Ne odinokaya" adlı debüt sinqlı təqdim olunmuşdur.

2017–hal-hazırda: Avroviziya Mahnı Müsabiqəsi

2017-ci ilin yanvar ayında Melovin Ukraynanın NTU telekanalının 2017 Avroviziya Mahnı Müsabiqəsi üçün təşkil etdiyi milli seçim turunda iştirak edən 23 iştirakçıdan biri olduğu təsdiqlənmişdir. Seçim turunda "Wonder" mahnısı ilə iştirak edən ifaçı yarışmanın üçüncü yarımfinalında çıxış etmiş və nəticədə ikinci yeri tutaraq, finala vəsiqə qazanmışdır. Melovin yarımfinalda SMS səsverməsində ən çox səs toplayan iştirakçı olmuş və Konstantin Meladze, Camala və Andriy Danilkonun yer aldığı münsiflər heyəti arasında keçirilən səsvermədə isə dördüncü yerdə qərarlaşmışdır. 25 fevral tarixində keçirilən final şousunda Melovin nəticə olaraq üçüncü yeri qazanmışdır. Finalda ifaçı yenə də ən çox SMS səsi toplaya bilsə də, münsiflər heyətinə görə beşinci yerdə qərarlaşmışdır.

Növbəti ildə Melovin 2018 Avroviziya Mahnı Müsabiqəsi üçün keçirilən milli seçim turunda iştirak edəcəyini açıqlamış və yanvar ayında Ukrayna telekanalı onun seçim turunda iştirak edən 18 iştirakçıdan biri olduğunu təsdiqləmişdir. "Under the Ladder" mahnısı ilə seçim turunda iştirak edən ifaçı yarışmanın ikinci yarımfinalında çıxış etmiş və nəticədə yarımfinalda qalib gələrək, finala vəsiqə qazanmışdır. Melovin yarımfinalda SMS səsverməsində ən çox səs toplayan iştirakçı olmuş və Camala, Andriy Danilko və Yucen Filatovun yer aldığı münsiflər heyəti arasında keçirilən səsvermədə isə ikinci ən çox səs toplayan iştirakçı olmuşdur. 24 fevral tarixində keçirilən final şousunda Melovin səsvermədə rəqiblərini məğlub edərək, qalib gəlmiş və "Under the Ladder" mahnısı ilə Ukraynanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.

Müsabiqə üçün aparılan məşqlərdən sonra Melovin 10 may tarixində baş tutan müsabiqənin ikinci yarımfinal mərhələsində 18-ci səhnə almışdır. Nəticədə ifaçı 179 xalla 6-cı yeri tutmuş və ölkəsini Avroviziya finalına yüksəltməyə nail olmuşdur. 26 ölkə təmsilçisinin mübarizə apardığı final mərhələsində mahnısını bir daha ifa edən Melovin ümumi nəticədə 130 xal toplayaraq, 17-ci yerdə qərarlaşmışdır.

Diskoqrafiya

Albomlar

Albom adı İl
Face to Face 2017

Sinqllar

Mahnı adı İl
"Ne odinokaya" 2016
"Na vzlyot"
"Wonder"
"Unbroken" 2017
"Hooligan"
"Under the Ladder" 2018

İstinadlar

  1. . musicstarts.com.ua (rusca). 6 yanvar 2016. 2019-03-20 tarixində arxivləşdirilib. İstifadə tarixi: 2018-02-24.
  2. . fakty.ua (rusca). 30 dekabr 2015. 2017-08-17 tarixində . İstifadə tarixi: 2018-02-24.
  3. Olga. (rusca). 6 dekabr 2015. 2017-02-20 tarixində . İstifadə tarixi: 2018-02-24.
  4. . mig.com.ua (rusca). 2017-10-30 tarixində arxivləşdirilib. İstifadə tarixi: 19 fevral 2018.
  5. . itunes.apple.com. 2017-12-01 tarixində . İstifadə tarixi: 19 fevral 2018.
  6. . stb.ua (ukraynca). STB. 17 yanvar 2017. 2017-12-19 tarixində arxivləşdirilib. İstifadə tarixi: 2018-02-24.
  7. . Eurovoix. 20 yanvar 2017. 2018-02-20 tarixində . İstifadə tarixi: 2018-02-24.
  8. . ESCToday. 25 fevral 2017. 2017-06-19 tarixində . İstifadə tarixi: 2018-02-24.
  9. . Eurovoix. 16 yanvar 2018. 2018-06-13 tarixində . İstifadə tarixi: 2018-02-24.
  10. . 24 fevral 2018. 2018-02-26 tarixində . İstifadə tarixi: 2018-02-24.
Əvvəlki:
O.Torvald
"Time"
Ukrayna Avroviziya Mahnı Müsabiqəsində
 

2018
Sonrakı:

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023