Meşə qardaşları (rus. Лесные братья) və ya Dərbənd camaatı (rus. Дербентский джамаат) — Rusiyanın Dağıstan respublikasında, Qafqaz Əmirliyi Şəriət Camaatının tərkibində olan İslamçı Cihadçı qrup. Qrup hüquq-mühafizə orqanlarının əməkdaşlarına hücumlar etmiş, terror aktları təşkil etmiş, vəhabi ədəbiyyatı yaymış və Dağıstanda və Azərbaycanda təbliğat və təşviqat işləri aparmışdır.
| Meşə qardaşları | |
|---|---|
 | |
| Yaranma tarixi | 2007-2016 |
| Ölkə |
 Rusiya  Azərbaycan
|
| Qərargah | Şimali Qafqaz |
| Döyüşlər | |
Qrup Rappani Xəlilov tərəfindən yaradılmışdır. 2007-ci ilin sentyabrında vəfat etdikdən sonra qrupa Əmir Əbdül Məcid rəhbərlik etmişdir. Çeçen müharibələrinin iştirakçısı olan Məcid 2008-ci ilin sentyabrında öldürüldü və yerinə İsrapil Vəlijanov keçdi. 2011-ci ilin aprelində Vəlijanovun ölümündən sonra Dərbənd camaatı, qalan üzvləri 2016-cı ilin noyabrında öldürülənə qədər fəaliyyət göstərməsinə baxmayaraq, istiqamətini dəyişdi.
Tarixi
Qrupa 2007-ci ilin sentyabrında vəfat edənə qədər Rappani Xəlilov rəhbərlik etmişdir. Daha sonra Azərbaycanın Zaqatala rayonundan olan, Əmir Əbdül Məcid kimi tanınan İlqar Mollaçiyev, Dərbənd camaatının komandiri təyin edildi. Rusiya FTX-nin Dağıstan şöbəsinin verdiyi məlumata görə, Malaçyev Birinci və İkinci Çeçenistan müharibələrində iştirak etmiş və Səudiyyə mücahidləri İbn əl-Xəttab və Əbu əl-Vəlidin komandanlıq etdiyi dəstələrdə döyüş hazırlığı keçmişdir. 2006-cı ildə əmir Dokka Umarov Malaçiyevi qruplaşmanın fəaliyyətini idarə etmək üçün Dağıstana göndərdi.
2008-ci ilin yanvarında Rusiya qüvvələri Tabasaran rayonundakı qruplaşmaya qarşı ilk əməliyyata başladılar. Əməliyyat zamanı 15 silahlıdan 6-sı öldürüldü, digərləri isə qaçmağı bacardı. Elə həmin ilin martında Rusiya FTX-nin Dağıstan şöbəsi və Rusiya Daxili İşlər Nazirliyinin qüvvələri Dagestanskiye Oqnidə qruplaşmaya qarşı əməliyyat başlatdılar. Bu əməliyyatda üç silahlı öldürüldü.
17 avqustda Azərbaycan Milli Təhlükəsizlik Nazirliyinin verdiyi məlumata görə, qrup Bakıdakı Əbu Bəkr məscidinə hücum təşkil etdi.
Həmçinin bax
İstinadlar
- (rus). 9 September 2008 . 24 March 2013 tarixində . İstifadə tarixi: 9 December 2020.
- . Kommersant (rus) (51(3868)). 28 March 2008. İstifadə tarixi: 9 December 2020.