Mathurin Romeqas (d'Aux-Lescot və ya Lescout, ləqəbi Romeqas; – 1581, Roma) fransız mənşəli məşhur Malta cəngavəridir, ailəsinə məxsus mülklərdən birinə Romeqas ləqəbi verilmişdir.

1547-ci ildə Malta ordeninə daxil olmuşdur; Qalerea (orta əsrlərdə mövcud olmuş hərbi gəmi növü) komandiri olduqdan sonra o, Aralıq dənizində Barbar piratlar ilə davamlı mübarizə aparmış, onların bir çox gəmisini ələ keçirmiş, xristian əsirlərini azad etmiş, əsas pirat başçılarından bəzilərini əsir götürmüş və ən əsası Sultan Süleyman tərəfindən Maltanın mühasirəsi zamanı, Romeqas həddindən artıq mübarizlik əzmi nümayiş etdirmişdir. O, ordenin donanmasına rəhbərlik etmiş və eyni zamanda da Tuluza və İrlandiyanın Böyük Prioru olmuşdur. Ordenin Böyük Magistri Jean l'Evêque de la Casière ilə döyüşə girmiş Romeqas daha sonra şikayətlərini Papaya bildirmək üçün onunla birlikdə Romaya səfər etmiş, lakin 1581-ci ildə elə orada da ölmüşdür.