29 avqust 1974-cü ildə Dunay-Streda şəhərində anadan olmuşdur.

1993-1999-cu illərdə Bratislavadakı Y.A. Komenski Universitetinin Hüquq fakültəsində oxuyub. Magistr dərəcəsi almışdır. 1998-ci ildə Cənubi Afrika Respublikasının Durban şəhərindəki Kvazulu-Natal Universitetində təhsil almışdır. 2001-ci ildə ABŞ-nin Vaşinqton şəhərindəki Corctaun Universiteti Hüquq Məktəbində təcrübə keçir. 2004-cü ildə Hollandiya Helsinki Komitəsində Avropa İnsan Hüquqları Məhkəməsində ayrı-seçkilik işlərinə baxılmasına həsr olunmuş seminarda iştirak edir.

1997-2005-ci illərdə Humanitar layihələr, vətəndaşlıq və demokratiya kafedrasında dərs deyir. 1998-2002-ci illərdə hüquq tələbələri üçün yaz və yay insan hüquqları məktəblərində çalışır. 2001-ci ildə Trnava Universitetinin Hüquq Fakültəsində İctimai Hüquq Klinikasını qurur və 2005-ci ilə qədər orada dərs verir.

İngilis, fransız, rus və alman dillərini bilir. 1999-2002-ci illərdə bir hüquq firmasında hüquqi tərcüməçi kimi işləyir. 2003-cü ildən hüquqşünas kimi fəaliyyətə başlayır. 2007-2009-cu illərdə onun hüquq firmasına sahib idi. 2012-ci ilin iyulundan 2016-cı ilin martına və 2018-ci ilin sentyabrından Kolikova & Partners şirkətində vəkil olmuşdur.

2019-cu ilin sentyabrın 2-də qurulan, Slovakiyan Prezidenti Andrey Kiskanın rəhbərlik etdiyi "İnsanlar üçün" partiyasına qatılır. 29 fevral 2020-ci ildə keçirilən parlament seçkilərində yenidən "insanlar üçün" partiyasından Milli Radaya deputat seçilir. Hökumət işinə keçməsi ilə əlaqədar 21 mart tarixində Milli radanı tərk edir. Boş qalan yeri Alexandra Pivkova tutur.

2006-cı ildə ədliyyə naziri Lusiya Jitnianska Mariya Kolikovanı Hüquqi Yardım Mərkəzinin direktoru təyin edir. Növbəti Ədliyyə naziri Stefan Qarabin dekabr ayında bu qərara etiraz edir və işinə xitam verir. 2010-cu ilin iyulundan 2012-ci ilin martına qədər Radicova'nın ofisində Lusiya Jitnianskanın rəhbərlik etdiyi Slovakiya Ədliyyə Nazirliyinin katibi olur. 2012-ci ilin may - iyun aylarında - Çexiya Ədliyyə Naziri İrji Pospişilin məhkəmə sistemində islahatlar üzrə xarici məsləhətçisi işləyir. 2016-cı ilin mart - avqust aylarında Slovakiyanın Ədliyyə Nazirliyinin dövlət katibi, Fikonun üçüncü hökumətində çalışır. 21 mart 2020-ci ildə Ədliyyə Naziri Matoviçdən kabinetində yerini alır.