Maral Manafova 1970-ci ildə Azərbaycan Dövlət Mədəniyyət və İncəsənət Universitetini bitirib. Mədəniyyət və İncəsənət Universitetində müəllim (1985), baş müəllim (1992) kimi fəaliyyət göstərib. 1993-cü ildə müsabiqə yolu ilə Mədəniyyət və İncəsənət Universitetinin "Mədəniyyət tarixi və nəzəriyyəsi" kafedrasına dosent vəzifəsinə seçilib.

1992-ci ildə namizədlik dissertasiyası müdafiə edib. Pedaqogika üzrə fəlsəfə doktorudur.

1996–2007-ci illər ərzində "Mədəniyyətşünaslıq" kafedrasının müdiri vəzifəsində işləyib. 2007–2014-cü illərdə Azərbaycan Dövlət Mədəniyyət və İncəsənət Universitetində Elm və yaradıcılıq işləri üzrə prorektor vəzifəsində çalışıb.

2014–2022-ci illər ərzində Bakı Xoreoqrafiya Akademiyasının "İctimai fənlər" kafedrasının müdiri vəzifəsində çalışaraq mədəniyyət və incəsənət sahəsində yüksək ixtisaslı kadrların hazırlanmasına böyük töhfə verib.

M. Manafova 11 dərsliyin, 6 dərs vəsaitinin, 1 monoqrafiyanın, 7 metodiki işin, 50 proqramın, 150-dən çox elmi-nəzəri məqalələrin müəllifidir.

M. Manafova respublikada və xarici ölkələrdə keçirilən beynəlxalq elmi-nəzəri konfransların və simpoziumların iştirakçısı olmuşdur.

"Sehirli rəqs aləmi" (2016), "Balet tarixi" (V. Əliyev, dərs vəsaiti, 2017), "Azərbaycan balet teatrına tarixi nəzər" (dərs vəsaiti, 2017), "Marius Petipa və XIX əsrin ikinci yarısında balet teatrı" (Ş. Əliyeva, metodik vəsait, 2018), "Müasir xoreoqrafiya tarixi" (2019), Balet librettoları. (XIX – XX əsr əvəlləri) (K. Məmmədova, dərs vəsaiti, 2021) kitablarının müəllifi və tərtibatçısı olaraq xoreoqrafiya ixtisası üzrə tədrisin təkmilləşməsinə xidməti ilə fərqlənib. 

2010-cu ildə professor elmi adı alıb. Təhsil sahəsindəki xidmətlərinə görə 2010-cu ildə "Tərəqqi" medalına, 2013-cü ildə isə Əməkdar incəsənət xadimi fəxri adına layiq görülmüşdür.

1. Maral Manafova. [Mətn]: dərslik /M. C. Manafova və b.; elmi red. V. İ. Məmmədova . Bakı: Təbib, 2006., 819 s.

2. Maral Manafova. Mədəniyyət tarixi və nəzəriyyəsi [Mətn] : dərslik /M. Manafova ; rəyçilər A. Şükürov, N. Mehdi, G. Abdullazadə, Ə. Tağıyev ; elmi red. V. Məmmədova. Bakı: Təbib, 2006, 402 s

3. Maral Manafova. Azərbaycanın Şərqi Asiya ölkələri ilə mədəni əlaqələri. Bakı: Sabah, 2008, 96 s.

4. Maral Manafova. Beynəlxalq mədəni əlaqələr [Mətn] : dərslik. 2 cilddə /Azərb. Resp. Təhsil Nazirliyi ; [müəl. kol. M. Manafova və b. ; elmi red. V. İ. Məmmədova ; rəyçilər: N. M. Mehdi, O. Ə. Əfəndiyev, F. T. Məmmədov, Ş. M. Məmmədov]. Bakı: I cild, Sabah, 2008.

5. Beynəlxalq mədəni əlaqələr [Mətn]: dərslik. 2 cilddə. /Azərb. Resp. Təhsil Nazirliyi; [müəl. M. Manafova [və b.]; elmi red. V. İ. Məmmədova; rəyçilər. N. M. Mehdi, O. Ə. Əfəndiyev, F. T. Məmmədov, Ş. M. Məmmədov. Bakı: II cild, Sabah, 2009, 398 s.

6. Maral Manafova. Sehirli rəqs aləmi. Bakı: AzTU mətbəəsi, 2016, 200 s.

7. Maral Manafova. Azərbaycan balet teatrına tarixi nəzər. Dərs vəsaiti. Bakı: AzTU mətbəəsi, 2017, 82 s.

8. Maral Manafova, Vəfa Əliyev. Balet tarixi. Dərs vəsaiti. Bakı: AzTU mətbəəsi, 2017, 287 s.

9. Maral Manafova, Şəhla Əliyeva. Marius Petipa və XIX əsrin ikinci yarısında balet teatrı. Metodik vəsaiti. Bakı: AzTU mətbəəsi, 2018, 73 s.

10. Maral Manafova. Müasir xoreoqrafiya tarixi. Dərs vəsaiti. Bakı: AzTU mətbəəsi,2019, 244 s.

11. Maral Manafova, Kəmalə Məmmədova. Balet librettoları. (XIX – XX əsr əvəlləri). Dərs vəsaiti. Bakı: AzTU mətbəəsi, 2021, 216 s.