| María del Karmen Martínez-Bordiú y Franko | |
|---|---|
 | |
| Doğum tarixi | 26 fevral 1951 (73 yaş) və ya 15 avqust 1950(73 yaş) |
| Doğum yeri | Madrid, İspaniya |
| Həyat yoldaşları |
(evli.1972-1982) Jean-Marie Rossi (evli.1984-1995) José Campos García (evli.2006-indiyə qədər) |
| Uşaqları |
Francisco de Asís, Burbon Hersoqu María Cynthia Rossi |
| Atası | |
| Anası | |
 Vikianbarda əlaqəli mediafayllar | |
Tərcümeyi halı
Bu ad İspaniyanın adqoyma ənənələrinə uyğun olaraq istifadə olunur: ilk və ya ata soyadı Martínez-Bordiú, ikinci, yəni ana soyadı isə Franko-dur.
Maríadel Karmen Martínez-Bordiú y Franko (26 Fevral, 1951-ci ildə İspaniyanın Madrid şəhərində anadan olmuşdur) İspaniyanın əsilzadəsi və ictimai xadimi hesab olunur. İspaniyanın qanunvericiliyinə uyğun olaraq, o, 2006-cı ildən etibarən qardaşından əvvəl varis kimi, anasının hersoq titulunu əldə edir və hakimiyyətini övladlarına təhvil vermək və ya ötürmək hüququna malik olur .
Doğum tarixi və gənclik illəri
O, Madrid şəhərinin El Pardo Kral sarayında anadan olmuşdur və Villaverdenin10-cu Markizi olan Kristóbal Martínez Bordiú, və Frankonun 1-ci Hersoginyası, İspaniya qrandı olan Karmen Franko Polo-nun qızıdır. Onun ana tərəfdən babası İspaniya diktatoru, İspaniya Dövlətinin Başçısı Francisko Franko, nənəsi İspaniyanın 1-ci Xanımı və Qrandı Karmen Polo y Martínez-Valdés olmuşdur. Ata tərəfdən babası José María Martínez y Ortega (1890–1970), nənəsi Argillonun 7-ci Qrafinyası María de la O Bordiú y Bascarán (1896–1980) olmuşdur. İspaniya Kral Ailəsinin qədim El Pardo sarayında anadan olan Karmen General Frankonun ilk nəvəsi olmuşdur. 1940-cı ildə İspaniya Vətəndaş Müharibəsi başa çatdıqdan və General Franko İspaniya Dövlətinin Başçısı seçildikdən sonra, saray onların ailə iqamətgahına çevrilmişdir. Ondan əlavə: María de Aránzazu, Fransisko (Francis), María del Mar (Merry), José Kristóbal (Cristóbal), María de Aránzazu (Arantxa) və Jaime Felipe (Jaime) adlı 6 bacı və qardaşının olmasına baxmayaraq, o, ailənin ən sevimli nəvəsi hesab olunurdu.
Birinci evliliyi
Karmen 8 Mart, 1972-ci ildə, 21 yaşı olarkən Madrid şəhərində, El Pardo Sarayının Kilsəsində, Seqoviya Hersoqu, İspaniyalı İnfante Jaime-nin oğlu və İspaniyanın XIII Kralı Alfonsonun nəvəsi olan Anju və Kadis Hersoqu Alfonso ilə ailə qurmuşdur. General Franko Alfonsonu Kadis Hersoqu adlandıraraq onu Kral Əlahəzrətləri, Karmeni isə şahzadə elan etmişdir.
Alfonso və Karmenin iki oğlu olmuşdur:
- Francisco de Asís, Burbon Hersoqu (Madrid, 22 Noyabr, 1972 — Pamplona, 7 fevral 1984)
- Luis Alfonso, Anju Hersoqu (1974-cü ildə anadan olmuşdur).
20 Noyabr, 1975-ci ildə General Frankonun ölmündən sonra, ailə siyasi hakimiyyətini itirmişdir. Alfonso and Karmen 1979-cu ildə ayrılmış, 1982-ci ildə mülki qaydada boşanmış və 1986-cı ildə nikahları ləğv olunmuşdur. Oğlanlarına qəyyumluq hüququ Alfonsnoya verilmişdir.
İkinci evliliyi və ailə faciəsi
Alfonsodan ayrıldıqdan sonra, o, 1971-ci ildə Barbara Hottinguerdən Matilda və Marella adlı qızları və Frederick adlı oğlu olan İtalyan əsilli Fransız Jean-Marie Rossi (Paris 18 Noyabr, 1930, ondan 20 yaş böyük) ilə yaşamağa başlayır və 11 Dekabr, 1984-cü ildə Rueil-Malmaison şəhərində onunla mülki qanunvericiliyə uyğun olaraq nikah bağlamışdır. Bu il cütlük üçün faciəli hadisələrlə yadda qalmışdır. Fevral ayında, Karmenin oğlu Fransisko de Asís, avtomobil qəzasında, bir müddət sonra Rossinin qızı Matilda qayıqla baş verən qəzada dünyasını dəyişmişdir. Karmen sonuncu övladı olan María Cynthia Fransiska Matilda Rossi-ni 28 Aprel, 1985-ci ildə Parisdə dünyaya gətirmişdir.
1989-cu ilin Yanvar ayında onun birinci həyat yoldaşı Kolorado ştatında baş verən xizək qəzasında dünyasını dəyişmiş və Karmen oğlu Luis Alfonsonun üzərinqə qəyyumlu hüququ almaq üçün, keçmiş qayınanası ilə mübarizə aparmağa aparmışdır. O ikinci həyat yoldaşı Rossi ilə 1994-cü ildə ayrılmış və 1995-ci ildə boşanmışdır. Daha sonra Italyan, əsilli Robert Federici ilə yaşamağa başlamış, lakin bu münasibətlərə 2004-cü ildə son qoyulmuşdur. Rossi üçüncü dəfə Marie Grimaux ilə ailə qurmuş və övladı olmamışdır.
Üçüncü evliliyi və ilk nəvəsi
18 İyun, 2006-cı ildə o, Sevilya şəhərinin əyalətində, İspaniyalı, José Campos García (Santanderdə doğulmuş və yoldaşından 13 yaş kiçik idi) ilə ailə qurmuşdur. 6 mart, 2007-ci ildə Eugenia adlı qız nəvəsinin dünyaya gəlməsi ilə o, nənə olmuşdur. 2006-cı ildə "" yarışının İspan versiyası olan "Mira quién baila!" müsabiqəsində iştirakçı olmuşdur. 28 May, 2010-cu ildə Karmenin Luis and Alfonso adlı iki oğul nəvəsi dünyaya gəlmişdir.
İstinadlar və qeydlər
- Lundy D. R. Dona Maria del Carmen Martinez-Bordiu y Franco // (ing.).
- 2013-09-21 at the Wayback Machine (isp.)
- (isp.)
- (isp.)
- José Apezarena, Luis Alfonso de Borbón: Un príncipe a la espera, Plaza & Janés, 2007. (isp.)
- Barrientos, Paloma. Carmen Martínez-Bordiú : a mi manera (ispan). Madrid: Ediciones B. 2006. 285, [14] p. : il., 23 cm. ISBN 978-84-666-2982-9. OCLC .
- Barrientos, Paloma. Carmen Rossi : "la nieta" : biografía. Primer plano. (ispan). Barcelona: Ediciones B. 1994. 204 p. 24 cm. ISBN 84-406-4746-8. OCLC .
- Marc Dem, Le duc d'Anjou m'a dit — La vie de l'aîné des Bourbons, Perrin, Paris, 1989. ISBN 2–262-00725-X (fr.)
- Zavala, José M. (José María). El Borbón non grato : la vida silenciada y la muerte violenta del duque de Cadiz (ispan). Barcelona: Altera. 2008. 438 p., [32] p. of plates : col. ill., facsims., 25 cm. ISBN 978-84-96840-38-6.
- Peñafiel, Jaime. La nieta y el General : tres bodas y un funeral (ispan). Madrid: EdicionesTemas de Hoy. 255 p. : ill. (some col.), 24 cm. ISBN 978-84-8460-609-3.