Maqsud Məmməd oğlu Məmmədov (dekabr 1897, İrəvan – 5 yanvar 1938, Bakı) — Azərbaycan dövlət xadimi, Azərbaycan SSR xalq maarifi komissarı, repressiya qurbanı.
| Maqsud Məmmədov | |
|---|---|
 | |
Azərbaycan Kommunist Partiyası Mərkəzi Komitəsinin katibi | |
| 1931 – 1933 | |
Azərbaycan SSR xalq maarif komissarı | |
| 2 fevral 1931 – 1931 | |
| Əvvəlki | Ruhulla Axundov |
| Sonrakı | Ağa Sultanov |
| 1929 – 1930 | |
| Əvvəlki | Vladimir Yelpatyevski |
| Şəxsi məlumatlar | |
| Doğum tarixi | dekabr 1897 |
| Doğum yeri | |
| Vəfat tarixi | 5 yanvar 1938 (40 yaşında) |
| Vəfat yeri | |
| Partiya | |
| Təhsili | |
| Fəaliyyəti | dövlət xadimi |
Həyatı
Maqsud Məmmədov 1897-ci ildə İrəvan şəhərində kəndli ailəsində dünyaya göz açıb. İrəvan gimnaziyasında oxuyub.
Əmək fəaliyyətinə 1915-ci ildə doğulduğu şəhərdə müəllim kimi başlamışdır. 1920-ci ildən 1923-cü ilədək Bakı Şəhər Xalq Ərzaq Komissarlığı İdarəsinin rəisi vəzifəsində işləmişdir. 1925–1927-ci illərdə Naxçıvan MSSR Fövqəladə Xalq Maliyyə Komissarlığında çalışmış, 1929–1930-cu illərdə Azərbaycan Dövlət Universitetinin (indiki Bakı Dövlət Universitetinin) rektoru olmuşdur. 1931-ci ildə Azərbaycan SSR xalq maarif komissarı vəzifəsində çalışmışdır. Elə həmin ildə Azərbaycan K(b)P MK-nın katibi təyin edilən Maqsud Məmmədov 1933-cü ilə kimi bu vəzifədə çalışmışdır.
Maqsud Məmmədov 1933–1934-cü illərdə direktoru olmuşdur. Partiya işində zəngin təcrübəsini nəzərə alaraq yenidən Azərbaycan K(b)P Mərkəzi Komitəsində işləməyə dəvət etmişlər. 1936–1937-ci burada o, şöbə müdiri işləmişdir. 1937-ci il iyulun 29-dan sentyabrın 19-a qədər "Azərnəşr"in direktorunun səlahiyyətlərini icra etmişdir.
Maqsud Məmmədov Azərbaycan K(b)P MK-nın büro üzvü seçilmiş, 1933-cü ildə Azərbaycan Dövlət Nəşriyyatında ilk dəfə Azərbaycan dilində nəşr olunan V. İ. Leninin "Seçilmiş əsərləri"nin redaktor və tərcüməçilər qrupunun tərkibində təmsil olunmuşdur.
1920-ci ilin sentyabrından Kommunist Partiyasının üzvü olan Maqsud Məmmədov 1925–1927-ci illərdə Naxçıvan Mərkəzi İcraiyyə Komitəsinin, 1930–1934-cü illərdə Azərbaycan K(b)P Bakı Komitəsinin, 1931-ci ildən Azərbaycan K(b)P MK-nın, 1931–1933-cü illərdə Ümumittifaq K(b)P Zaqafqaziya Diyar Komitəsinin üzvü seçilmişdir.
Repressiya qurbanlarından olan Maqsud Məmmədov 1937-ci ilin sentyabrında tərəfindən həbs olunmuş və güllələnmişdir. Ona 1957-ci ildə bəraət verilmişdir.
Maqsud Məmmədov İrəvanın məşhur ziyalılarından olan Abbas Məhəmmədzadənin qardaşı oğludur.
İstinadlar
- Azərbajçan Mərqəzi Iсraijjə Komitələri Rijasət Hej'ətinin kərarь // Kommynist. № 27 (3142). 3 fevral 1931. S. 4.
- Fərrux Rüstəmov. (PDF). Bakı: Elm və təhsil. 2022. səh. 187. ISBN 978-9952-5455-010.
- . Bakı: Gənclik. 1995. səh. 441. ISBN 5-8020-0852-0.
Xarici keçidlər
- 2011-07-08 at the Wayback Machine