Mannar adası əsasən əhəng daşından təşkil olunmuşdur. Dənizdən hündürlüyü o qədərdə böyük deyildir. Ada cənub-şərqdən şimal-qərbə doğru uzanır. Adanın uzunluğu 18 km, eni isə 2 km təşkil edir. Sahilləri əsasən qumdan təşkil olunmuşdur. Şimal hissəsində geniş çimərlik vardır. Qumlar əsasən qırmızımtıl rəngdə olur. Sətni hamardır. Şri-Lankanı Hindistanla birləşdirən Adəm körpüsünün üzərində yerləşir.

İqlimi qurraq tropikdir. Passatların təsirinə məruz qalır. Mussonlar mövsümü 2 ay davam edir.

Florası əsasən kol və ağaclardan ibarətdir. Vaxtı ilə adaya afrika eşşəyi və baobab ağacı gətirilmişdir. Ərazisində çoxlu sayda quş növünü müşahidə etmək olur.

Şri-Lankanın əsas hissəsinə A14 şossesi ilə birləşdirilir. 1914—1964-cü illərdə Hindistanla dəmiryolu və bərə daşımaları vardı. Əlaqə infrastrukturu bir qasırğa nəticəsində dağılmışdır. 2010-ci illərddə bu əlaqənin yernidən bərpası ilə əlaqədar işlər planlaşdırılır.

Adanın məskunlaşılması hələ qədimlərə gedib çıxır. B.e.ə I minilliyin ortalarında Tamillər adaya Hindistanın cənubundan köç etmişlər. Onlar əsasən əkinçilik və balıqçılıqla məşqul olurdular.

XVI əsrdə Mannar portuqallar tərəfindən işğal olunmuşdur. Onlar burada qala inşa edirlər və əhalinin yarısını xristianlaşdırırlar. XVII əsrdə ada hollandların mülkiyyətinə keçmişdir. Artıq XVIII əsrdə isə ərazini Böyük Britaniya idarə edirdi. 1948-ci ildən isə müstəqil Şri-Lankanın bir parçası olmuşdur.

1983—2009-cu illər vətəndaş müharibəsi zamanı ada əsas döyüş zonalarından birinə çevrilir. Hətta bir müddət tamil pələnglərinin n əzarətində olur. 1990-cı ildə tamil pələngləri adada yaşayan bütün müsəlmanları buradan qovurlar.

Adada hinduizmə aid olan məbəd və "müqəddəs" yerlər vardır. Portuqal hakimiyyəti dövrünə aid olan qala və kilsələrin qalıqları bu gündə qalır. Adada turizmin inkişafına çalışılır. Üstəlik şimal adalarına gəzinti turları belə hazırlanılır.